Texts

mitraṃ devā abruvan somaṃ rājānaṃ hanāmeti // (1) Par.?

so 'bravīn nāhaṃ sarvasya vā aham mitram asmīti // (2) Par.?

tam abruvan hanāmaiveti // (3) Par.?

so 'bravīt // (4) Par.?

varaṃ vṛṇai // (5) Par.?

payasaiva me somaṃ śrīṇann iti // (6) Par.?

tasmān maitrāvaruṇam payasā śrīṇanti // (7) Par.?

tasmāt paśavo 'pākrāman // (8) Par.?

mitraḥ san krūram akar iti // (9) Par.?

krūram iva khalu vā eṣa karoti yaḥ somena yajate // (10) Par.?

tasmāt paśavo 'pakrāmanti // (11) Par.?

yan maitrāvaruṇam payasā śrīṇāti paśubhir eva tan mitraṃ samardhayati paśubhir yajamānam // (12) Par.?

purā khalu vāvaivam mitro 'vet // (13) Par.?

apa mat krūraṃ cakruṣaḥ paśavaḥ kramiṣyantīti // (14) Par.?

tasmād evam avṛṇīta // (15) Par.?

varuṇaṃ devā abruvaṃs tvayāṃśabhuvā somaṃ rājānaṃ hanāmeti // (16) Par.?

so 'bravīt // (17) Par.?

varaṃ vṛṇai // (18) Par.?

mahyaṃ caivaiṣa mitrāya ca saha gṛhyātā iti // (19) Par.?

tasmān maitrāvaruṇaḥ saha gṛhyate // (20) Par.?

tasmād rājñā rājānam aṃśabhuvā ghnanti vaiśyena vaiśyaṃ śūdreṇa śūdram // (21) Par.?

na vā idaṃ divā na naktam āsīd avyāvṛttam // (22) Par.?

te devā mitrāvaruṇāv abruvann idaṃ no vivāsayatam iti // (23) Par.?

tāv abrūtām // (24) Par.?

varaṃ vṛṇāvahai // (25) Par.?

eka evāvat pūrvo graho gṛhyātā iti // (26) Par.?

tasmād aindravāyavaḥ pūrvo maitrāvaruṇād gṛhyate // (27) Par.?

prāṇāpānau hy etau yad upāṃśvantaryāmau // (28) Par.?

mitro 'har ajanayad varuṇo rātrim // (29) Par.?

tato vā idaṃ vyaucchat // (30) Par.?

yan maitrāvaruṇo gṛhyate vyuṣṭyai // (31) Par.?