Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 15776
  • Click on a sentence to show its analysis
  • Keep the mouse pointer over a lemma to show its meanings.
āyur vā etad yajñasya yad dhruvaḥ // (1) Par.?
uttamo grahāṇāṃ gṛhyate // (2) Par.?
tasmād āyuḥ prāṇānām uttamam // (3) Par.?
mūrdhānaṃ divo aratim pṛthivyā ity āha // (4) Par.?
mūrdhānam evainaṃ samānānāṃ karoti // (5) Par.?
vaiśvānaram ṛtāya jātam agnim ity āha // (6) Par.?
vaiśvānaraṃ hi devatayāyuḥ // (7) Par.?
ubhayatovaiśvānaro gṛhyate // (8) Par.?
tasmād ubhayataḥ prāṇā adhastāc copariṣṭāc ca // (9) Par.?
ardhino 'nye grahā gṛhyante 'rdhī dhruvaḥ // (10) Par.?
tasmād ardhy avāṅ prāṇo 'nyeṣām prāṇānām // (11) Par.?
upopte 'nye grahāḥ sādyante 'nupopte dhruvaḥ // (12) Par.?
tasmād asthnānyāḥ prajāḥ pratitiṣṭhanti māṃsenānyāḥ // (13) Par.?
asurā vā uttarataḥ pṛthivīm paryācikīrṣan // (14) Par.?
tāṃ devā dhruveṇādṛṃhan // (15) Par.?
tad dhruvasya dhruvatvam // (16) Par.?
yad dhruva uttarataḥ sādyate dhṛtyai // (17) Par.?
āyur vā etad yajñasya yad dhruvaḥ // (18) Par.?
ātmā hotā // (19) Par.?
yaddhotṛcamase dhruvam avanayaty ātmann eva yajñasyāyur dadhāti // (20) Par.?
purastād ukthasyāvanīya ity āhuḥ // (21) Par.?
purastāddhy āyuṣo bhuṅkte // (22) Par.?
madhyato 'vanīya ity āhuḥ // (23) Par.?
madhyamena hy āyuṣo bhuṅkte // (24) Par.?
uttarārdhe 'vanīya ity āhuḥ // (25) Par.?
uttamena hy āyuṣo bhuṅkte // (26) Par.?
vaiśvadevyām ṛci śasyamānāyām avanayati // (27) Par.?
vaiśvadevyo vai prajāḥ // (28) Par.?
prajāsv evāyur dadhāti // (29) Par.?
Duration=0.053653955459595 secs.