UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 12295
- Click on a sentence to show its analysis
- Keep the mouse pointer over a lemma to show its meanings.
trivṛt sāma catuṣpāt / (1.1)
Par.?
brahma tṛtīyam indras tṛtīyam prajāpatis tṛtīyam annam eva caturthaḥ pādaḥ // (1.2)
Par.?
tad yad vai brahma sa prāṇo 'tha ya indraḥ sā vāg atha yaḥ prajāpatis tan mano 'nnam eva caturthaḥ pādaḥ // (2.1)
Par.?
mana eva hiṅkāro vāk prastāvaḥ prāṇa udgītho 'nnam eva caturthaḥ pādaḥ // (3.1)
Par.?
karoty eva vācā nayati prāṇena gamayati manasā / (4.1) Par.?
tad etan niruddhaṃ yan manaḥ / (4.2)
Par.?
tena yatra kāmayate tad ātmānaṃ ca yajamānaṃ ca dadhāti // (4.3)
Par.?
athādhidaivatam / (5.1)
Par.?
candramā eva hiṅkāro 'gniḥ prastāva āditya udgītha āpa eva caturthaḥ pādaḥ / (5.2)
Par.?
taddhi pratyakṣam annam // (5.3)
Par.?
tā vā etā devatā amāvāsyāṃ rātriṃ saṃyanti / (6.1)
Par.?
candramā amāvāsyāṃ rātrim ādityam praviśaty ādityo 'gnim // (6.2)
Par.?
tad yat saṃyanti tasmāt sāma / (7.1)
Par.?
sa ha vai sāmavit sa sāma veda ya evaṃ veda // (7.2)
Par.?
tāsāṃ vā etāsāṃ devatānām ekaikaiva devatā sāma bhavati // (8.1)
Par.?
eṣa evādityas trivṛc catuṣpād raśmayo maṇḍalam puruṣaḥ / (9.1)
Par.?
raśmaya eva hiṅkāraḥ / (9.2)
Par.?
tasmāt te prathamata evodyatas tāyante / (9.3)
Par.?
maṇḍalam prastāvaḥ puruṣa udgītho yā etā āpo 'ntaḥ sa eva caturthaḥ pādaḥ // (9.4)
Par.?
evam eva candramaso raśmayo maṇḍalam puruṣaḥ / (10.1)
Par.?
raśmaya eva hiṅkāro maṇḍalam prastāvaḥ puruṣa udgītho yā etā āpo 'ntaḥ sa eva caturthaḥ pādaḥ // (10.2)
Par.?
catvāry anyāni catvāry anyāni / (11.1)
Par.?
tāny aṣṭau / (11.2)
Par.?
aṣṭākṣarā gāyatrī / (11.3)
Par.?
gāyatraṃ sāma brahma u gāyatrī / (11.4)
Par.?
tad u brahmābhisaṃpadyate / (11.5)
Par.?
aṣṭāśaphāḥ paśavas teno paśavyam // (11.6)
Par.?
Duration=0.10920405387878 secs.