Texts

atha nāpitaṃ samādiśatyakṣaṇvan vapa keśaśmaśrur oma parivapa nakhāni kurviti // (1) Par.?

punaḥ prāṇaḥ punar maitv indriyam iti trir nimṛjya // (2) Par.?

tvayi mahimānaṃ sādayāmīty antato yojayet // (3) Par.?

athainam uptakeśaśmaśruṃ kṛttanakham āplāvayati // (4) Par.?

hiraṇyavarṇā ity etena sūktena gandhapravādābhir alaṃkṛtya // (5) Par.?

svaktaṃ ma ity ānakti // (6) Par.?

athainam ahatena vasanena paridhāpayati paridhatteti dvābhyām // (7) Par.?

ehy aśmānam ātiṣṭheti dakṣiṇena pādenāśmamaṇḍalam āsthāpya pradakṣiṇam agnim anupariṇīya // (8) Par.?

athāsya vāso nirmuṣṇāti yasya te vāsa ity anayā // (9) Par.?

athainam apareṇāhatena vasanenācchādayaty ayaṃ vaste garbhaṃ pṛthivyā iti pañcabhiḥ // (10) Par.?

yathā dyaur manase cetase dhiya iti mahāvrīhīṇāṃ sthālīpākaṃ śrapayitvā śāntyudakenopasicyābhimantrya prāśayati // (11) Par.?

prāṇāpānāv ojo 'sīty upadadhīta // (12) Par.?

tubhyam eva jarimanniti kumāraṃ mātāpitarau triḥ samprayacchete // (13) Par.?

ghṛtapiṇḍān āśayataḥ // (14) Par.?

cūḍākaraṇam ca godānena vyākhyātam // (15) Par.?

paridhāpanāśmamaṇḍalavarjam // (16) Par.?

śive te stām iti paridānāntāni // (17) Par.?

pārthivasya mā pra gāmeti catasraḥ sarvāṇyapiyanti // (18) Par.?

amamrim ojomānīṃ ca dūrvāṃ ca keśāṃśca śakṛtpiṇḍaṃ caikadhābhisamāhṛtya // (19) Par.?

śāntavṛkṣasyoparyādadhāti // (20) Par.?

adhikaraṇaṃ brahmaṇaḥ kaṃsavasanaṃ gaur dakṣiṇā // (21) Par.?

brāhmaṇān bhaktenopepsanti // (22) Par.?