Texts

iti // (1) Par.?

atra akaluṣā yasya matiḥ so 'yam akaluṣamatiḥ // (2) Par.?

bahuvrīhisamāsaḥ // (3) Par.?

atrākāraḥ kaluṣapratiṣedhe // (4) Par.?

bhāvakāluṣyam evātra kāluṣyam // (5) Par.?

kathaṃ gamyate // (6) Par.?

prāksiddhatvāt // (7) Par.?

iha ca purastād uktam // (8) Par.?

nāvekṣen nābhibhāṣed ity ukte arthāpannaṃ dṛṣṭe cābhibhāṣite ca dveṣecchākrodhā utpadyante // (9) Par.?

te cotpannā matāv abhivyajyante // (10) Par.?

kālatilakādidarśanavat // (11) Par.?

abhivyakteś cocyate kaluṣito 'haṃ vyāhato 'haṃ malinīkṛto 'ham iti // (12) Par.?

ato dveṣecchākrodhanimittatvān mūtrapurīṣastrīśūdrapratiṣedhaḥ kriyate // (13) Par.?

yadā tv ete dveṣādayo bhāvā bījakṣaye sati notpadyante tadā paraṃ bhāvaśaucaṃ pratyavagantavyam // (14) Par.?

kaluṣamater iti // (15) Par.?

naimittikaṃ ca kaluṣam // (16) Par.?

na ca nimittānityatvān naimittikaṃ nityaṃ bhavati // (17) Par.?

bījakṣaye 'ṅkuravat // (18) Par.?

na ca yatraiva kaluṣam utpadyate tatraivopasparśanādīni kartavyāni // (19) Par.?

āyatane tu kartavyāni // (20) Par.?

athāpi kaluṣam utpannaṃ pradhvastaṃ syāt tathāpi tadarthaṃ na kartavyāni // (21) Par.?

yadā tu tad avasthitaṃ sambhavati śirorogādivat tadā kartavyāni // (22) Par.?

atra matir iti buddhir ity anarthāntaram // (23) Par.?

atrāpi karaṇavyapadeśenātmaśaucaṃ vyākhyāyata ity arthaḥ // (24) Par.?

āha akaluṣamatinā sādhakena kiṃ kartavyam // (25) Par.?

tad ucyate caritavyam // (26) Par.?

yasmād āha // (27) Par.?