Texts
Select a text:
Bibliography
Bibliography
Select a chapter:
1 revision
Show parallels Show headlines
Use dependency labeler
1 revision
Associated topic(s): Vedic metres in sacrifice
Show parallels Show headlines
Use dependency labeler
Chapter id: 10858
- Click on a sentence to show its analysis
- Keep the mouse pointer over a lemma to show its meanings.
prayājavad ananuyājaṃ kartavyam prāyaṇīyam ity āhuḥ / (1.1) Par.?
hīnam iva vā etad īṅkhitam iva yat prāyaṇīyasyānuyājā iti // (1.2) Par.?
tat tan nādṛtyam // (2) Par.?
prayājavad evānuyājavat kartavyam / (3.1) Par.?
prāṇā vai prayājāḥ / (3.2) Par.?
prajānuyājāḥ / (3.3) Par.?
yat prayājān antariyāt prāṇāṃs tad yajamānasyāntariyāt / (3.4) Par.?
yad anuyājān antariyāt prajāṃ tad yajamānasyāntariyāt // (3.5) Par.?
tasmāt prayājavad evānuyājavat kartavyam // (4) Par.?
patnīr na saṃyājayet / (5.1) Par.?
saṃsthitayajur na juhuyāt // (5.2) Par.?
tāvataiva yajño 'saṃsthitaḥ // (6) Par.?
prāyaṇīyasya niṣkāsaṃ nidadhyāt / (7.1) Par.?
tam udayanīyenābhinirvaped yajñasya saṃtatyai yajñasyāvyavachedāya // (7.2) Par.?
atho khalu yasyām eva sthālyām prāyaṇīyaṃ nirvapet tasyām udayanīyaṃ nirvapet / (8.1) Par.?
tāvataiva yajñaḥ saṃtato 'vyavachinno bhavati // (8.2) Par.?
amuṣmin vā etena loke rādhnuvanti nāsminn ity āhur yat prāyaṇīyam iti / (9.1) Par.?
prāyaṇīyam iti nirvapanti / (9.2) Par.?
prāyaṇīyam iti caranti / (9.3) Par.?
prayanty evāsmāl lokād yajamānā iti // (9.4) Par.?
avidyayaiva tad āhuḥ / (10.1) Par.?
vyatiṣajed yājyānuvākyāḥ // (10.2) Par.?
yāḥ prāyaṇīyasya puronuvākyās tā udayanīyasya yājyāḥ kuryāt / (11.1) Par.?
yā udayanīyasya puronuvākyās tāḥ prāyaṇīyasya yājyāḥ kuryāt / (11.2) Par.?
tad vyatiṣajaty ubhayor lokayor ṛddhyā ubhayor lokayoḥ pratiṣṭhityai / (11.3) Par.?
ubhayor lokayor ṛdhnoti / (11.4) Par.?
ubhayor lokayoḥ pratitiṣṭhati // (11.5) Par.?
pratitiṣṭhati ya evaṃ veda // (12) Par.?
ādityaś caruḥ prāyaṇīyo bhavaty āditya udayanīyo yajñasya dhṛtyai yajñasya barsanaddhyai yajñasyāprasraṃsāya // (13) Par.?
tad yathaivāda iti ha smāha tejanyā ubhayato 'ntayor aprasraṃsāya barsau nahyaty evam evaitad yajñasyobhayato 'ntayor aprasraṃsāya barsau nahyati yad ādityaś caruḥ prāyaṇīyo bhavaty āditya udayanīyaḥ // (14) Par.?
pathyayaivetaḥ svastyā prayanti / (15.1) Par.?
pathyāṃ svastim abhy udyanti / (15.2) Par.?
svasty evetaḥ prayanti svasty udyanti svasty udyanti // (15.3) Par.?
Duration=0.11122584342957 secs.