Texts
Select a text:
Bibliography
Bibliography
Select a chapter:
2 revisions
Show parallels Show headlines
Use dependency labeler
2 revisions
Associated topic(s): Soma sacrifice, pravargya
Show parallels Show headlines
Use dependency labeler
Chapter id: 10894
- Click on a sentence to show its analysis
- Keep the mouse pointer over a lemma to show its meanings.
athottaram // (1) Par.?
upa hvaye sudughāṃ dhenum etāṃ hiṃkṛṇvatī vasupatnī vasūnām abhi tvā deva savitaḥ sam ī vatsaṃ na mātṛbhiḥ saṃ vatsa iva mātṛbhir yas te stanaḥ śaśayo yo mayobhūr gaur amīmed anu vatsam miṣantaṃ namased upa sīdata saṃjānānā upa sīdann abhijñv ā daśabhir vivasvato duhanti saptaikāṃ samiddho agnir aśvinā samiddho agnir vṛṣaṇāratir divas tad u prayakṣatamam asya karmātmanvan nabho duhyate ghṛtam paya ut tiṣṭha brahmaṇaspate 'dhukṣat pipyuṣīm iṣam upa dravapayasā godhug oṣam ā sute siñcata śriyam ā nūnam aśvinor ṛṣiḥ sam u tye mahatīr apa ity ekaviṃśatir abhirūpāḥ / (2.1) Par.?
yad yajñe 'bhirūpaṃ tat samṛddham // (2.2) Par.?
ud u ṣya devaḥ savitā hiraṇyayety anūttiṣṭhati / (3.1) Par.?
praitu brahmaṇaspatir ity anupraiti / (3.2) Par.?
gandharva itthā padam asya rakṣatīti kharam avekṣate / (3.3) Par.?
nāke suparṇam upa yat patantam ity upaviśati / (3.4) Par.?
tapto vāṃ gharmo nakṣati svahotobhā pibatam aśvineti pūrvāhṇe yajati // (3.5) Par.?
agne vīhīty anuvaṣaṭkaroti sviṣṭakṛdbhājanam // (4) Par.?
yad usriyāsv āhutaṃ ghṛtam payo 'sya pibatam aśvinety aparāhṇe yajati / (5.1) Par.?
agne vīhīty anuvaṣaṭkaroti sviṣṭakṛdbhājanam // (5.2) Par.?
trayāṇāṃ ha vai haviṣāṃ sviṣṭakṛte na samavadyanti somasya gharmasya vājinasyeti / (6.1) Par.?
sa yad anuvaṣaṭkaroty agner eva sviṣṭakṛto 'nantarityai // (6.2) Par.?
viśvā āśā dakṣiṇasād iti brahmā japati // (7) Par.?
svāhākṛtaḥ śucir deveṣu gharmaḥ samudrād ūrmim ud iyarti veno drapsaḥ samudram abhi yaj jigāti sakhe sakhāyam abhy ā vavṛtsvordhva ū ṣu ṇa ūtaya ūrdhvo naḥ pāhy aṃhasas taṃ ghem itthā namasvina ity abhirūpāḥ / (8.1) Par.?
yad yajñe'bhirūpaṃ tat samṛddham // (8.2) Par.?
pāvakaśoce tava hi kṣayam parīti bhakṣam ākāṅkṣate // (9) Par.?
hutaṃ havir madhu havir indratame 'gnāv aśyāma te deva gharma madhumataḥ pitumato vājavato 'ṅgirasvato namas te astu mā mā hiṃsīr iti gharmasya bhakṣayati // (10) Par.?
śyeno na yoniṃ sadanaṃ dhiyā kṛtam ā yasmin sapta vāsavā iti saṃsādyamānāyānvāha // (11) Par.?
havir haviṣmo mahi sadma daivyam iti yad ahar utsādayiṣyanto bhavanti // (12) Par.?
sūyavasād bhagavatī hi bhūyā ity uttamayā paridadhāti // (13) Par.?
tad etad devamithunaṃ yad gharmaḥ / (14.1) Par.?
sa yo gharmas tacchiśnam / (14.2) Par.?
yau śaphau tau śaphau / (14.3) Par.?
yopayamanī te śroṇikapāle / (14.4) Par.?
yat payas tad retaḥ / (14.5) Par.?
tad idam agnau devayonyām prajanane retaḥ sicyate / (14.6) Par.?
agnir vai devayoniḥ / (14.7) Par.?
so 'gner devayonyā āhutibhyaḥ sambhavati // (14.8) Par.?
ṛṅmayo yajurmayaḥ sāmamayo vedamayo brahmamayo 'mṛtamayaḥ sambhūya devatā apyeti ya evaṃ veda yaś caivaṃ vidvānetena yajñakratunā yajate // (15) Par.?
Duration=0.14338684082031 secs.