Texts

Help

Select a text:
Bibliography
Select a chapter:
 (no revisions)
Associated topic(s): Aśvins

Show parallels  Show headlines
Use dependency labeler
Chapter id: 12476
  • Click on a sentence to show its analysis
  • Keep the mouse pointer over a lemma to show its meanings.
āśvinā vahataṃ pīvarīḥ svadhāśvāvatīr dāsapatnīr irāvatīḥ / (1.1) Par.?
yuvor dānāso divi nāditeyo yuvoḥ payāṃsi rurucire suśukrā // (1.2) Par.?
yad rebhaṃ dasrā vinigūḍham apsu yuvāyantaṃ vājayantaṃ ṛbīsāt / (2.1) Par.?
un ninyathur aśvinā vadhrim āśuṃ tad vāṃ vrataṃ mahayanty ukthaśāsaḥ // (2.2) Par.?
yā vāṃ nu sarire yā pṛthivyāṃ yā vīrutsu grāvasu yāntarikṣe / (3.1) Par.?
yā vīreṣu sūriṣu yāpi nāke tebhir naḥ śarma yacchataṃ yuvānā // (3.2) Par.?
yo vāṃ bharitrā stuvato maghāni prayantrīṇi dviṣato barhaṇāni / (4.1) Par.?
trātrīṇi śaśvatāṃ sātā tapanti tebhir naḥ śarma yacchataṃ yuvānā // (4.2) Par.?
yo vāṃ tricakraḥ supaviḥ suṣaptis trivandhuraḥ ketumān vātaraṃhāḥ / (5.1) Par.?
yoge yasya vitanoty abhīśuṃ vibhāvarīḥ sadatho yan mayobhu // (5.2) Par.?
yuvam ūhathur vimadāya jāyāṃ yuvaṃ vaśāṃ śayave dhenum akratām / (6.1) Par.?
yuvam āyuṣā tārayataṃ pra bandhanam attrim amuktaṃ yuvam aṁhaso vi // (6.2) Par.?
havantam meṣān vṛkye śivāyai pitā cakāra ṛṣim andham aśvinā / (7.1) Par.?
tasminn ṛjrāśve cakṣuṣī adhattam āviṣkṛṇutaṃ punar asya lokam // (7.2) Par.?
yad vāṃ cakṣur divi yat suparṇo yena paśyatho bhuvanāny amartyā / (8.1) Par.?
tan me dattaṃ cakṣuṣī devabandhū namasyāṃ vindethe purudhā cakānām / (8.2) Par.?
upaprayanto adhvaram // (8.3) Par.?
Duration=0.049816131591797 secs.