Texts

Help

Select a text:
Bibliography

Select a chapter:
(no revisions)

Associated topic(s): Vedic hymns, śastras

Show parallels Show headlines
Use dependency labeler

Chapter id: 13338

Click on a sentence to show its analysis
Keep the mouse pointer over a lemma to show its meanings.

atha vā ataḥ stomabhāgānām evānumantrāḥ // (1.1) Par.?

taddhaitad eke stomabhāgair evānumantrayante / (2.1) Par.?

tat tathā na kuryāt // (2.2) Par.?

devena savitrā prasūtaḥ prastotar devebhyo vācam iṣyety u haike 'numantrayante savitā vai devānām prasavitā savitrā prasūtā idam anumantrayāmaha iti vadantaḥ / (3.1) Par.?

tad u tathā na kuryāt // (3.2) Par.?

bhūr bhuvaḥ svar ity u haike 'numantrayanta eṣā vai trayī vidyā trayyaivedaṃ vidyayānumantrayāmaha iti vadantaḥ / (4.1) Par.?

tad u tathā no eva kuryāt // (4.2) Par.?

om ity evānumantrayeta // (5.1) Par.?

athaiṣa vasiṣṭhasyaikastomabhāgānumantraḥ / (6.1) Par.?

tena haitena vasiṣṭhaḥ prajātikāmo 'numantrayāṃcakre devena savitrā prasūtaḥ prastotar devebhyo vācam iṣya bhūr bhuvaḥ svar om iti / (6.2) Par.?

tato vai sa bahuḥ prajayā paśubhiḥ prājāyata // (6.3) Par.?

sa eva tena vasiṣṭhasyaikastomabhāgānumantreṇānumantrayeta bahur eva prajayā paśubhiḥ prajāyate / (7.1) Par.?

iyaṃ tv eva sthitir om ity evānumantrayeta // (7.2) Par.?

Duration=0.034973859786987 secs.