Texts

sa eṣa prājāpatyaḥ kuṭumbino yajño nityapratataḥ // (1) Par.?

yo 'tithīnām agniḥ sa āhavanīyo yaḥ kuṭumbe sa gārhapatyo yasmin pacyate so 'nvāhāryapacanaḥ // (2) Par.?

ūrjaṃ puṣṭiṃ prajāṃ paśūn iṣṭāpūrtam iti gṛhāṇām aśnāti yaḥ pūrvo 'tither aśnāti // (3) Par.?

payaupasecanam annam agniṣṭomasaṃmitaṃ sarpiṣokthyasaṃmitaṃ madhunātirātrasaṃmitaṃ māṃsena dvādaśāhasaṃmitam udakena prajāvṛddhir āyuṣaś ca // (4) Par.?

priyā apriyāś cātithayaḥ svargaṃ lokaṃ gamayantīti vijñāyate // (5) Par.?

sa yat prātar madhyaṃdine sāyam iti dadāti savanāny eva tāni bhavanti // (6) Par.?

yad anutiṣṭhaty udavasyaty eva tat // (7) Par.?

yat sāntvayati sā dakṣiṇāpraśaṃsā // (8) Par.?

yat saṃsādhayati te viṣṇukramāḥ // (9) Par.?

yad upāvartate so 'vabhṛthaḥ // (10) Par.?

iti hi brāhmaṇam // (11) Par.?

rājānaṃ ced atithir abhyāgacchecchreyasīm asmai pūjām ātmanaḥ kārayet // (12) Par.?

āhitāgniṃ ced atithir abhyāgacchet svayam enam abhyudetya brūyāt / (13.1) Par.?

vrātya kvāvātsīr iti / (13.2) Par.?

vrātya udakam iti / (13.3) Par.?

vrātya tarpayaṃs tv iti // (13.4) Par.?

purāgnihotrasya homād upāṃśu japet / (14.1) Par.?

vrātya yathā te manas tathāstviti / (14.2) Par.?

vrātya yathā te vaśas tathāstviti / (14.3) Par.?

vrātya yathā te priyaṃ tathāstviti / (14.4) Par.?

vrātya yathā te nikāmas tathāstviti // (14.5) Par.?

yasyoddhṛteṣv ahuteṣv agniṣv atithir abhyāgacchet svayam enam abhyudetya brūyād vrātya atisṛja hoṣyāmi / (15.1) Par.?

ity atisṛṣṭena hotavyam / (15.2) Par.?

anatisṛṣṭaś cejjuhuyād doṣaṃ brāhmaṇam āha // (15.3) Par.?

ekarātraṃ ced atithīn vāsayet pārthivāṃllokān abhijayati dvitīyayāntarikṣyāṃs tṛtīyayā divyāṃś caturthyā parāvato lokān aparimitābhir aparimitāṃl lokān abhijayatīti vijñāyate // (16) Par.?

asamudetaś ced atithir bruvāṇa āgacched āsanam udakam annaṃ śrotriyāya dadāmīty eva dadyāt / (17.1) Par.?

evam asya samṛddhaṃ bhavati // (17.2) Par.?