Texts

tasyāraṇyam ācchādanaṃ vihitam // (1) Par.?

tato mūlaiḥ phalaiḥ parṇais tṛṇair iti vartayaṃś caret // (2) Par.?

antataḥ pravṛttāni // (3) Par.?

tato 'po vāyum ākāśam ity abhiniśrayet // (4) Par.?

teṣām uttara uttaraḥ saṃyogaḥ phalato viśiṣṭaḥ // (5) Par.?

atha vānaprasthasyaivānupūrvyam eka upadiśanti // (6) Par.?

vidyāṃ samāpya dāraṃ kṛtvāgnīn ādhāya karmāṇy ārabhate somāvarārdhyāni yāni śrūyante // (7) Par.?

gṛhān kṛtvā sadāraḥ saprajaḥ sahāgnibhir bahir grāmād vaset // (8) Par.?

eko vā // (9) Par.?

śiloñchena vartayet // (10) Par.?

na cāta ūrdhvaṃ pratigṛhṇīyāt // (11) Par.?

abhiṣiktaś ca juhuyāt // (12) Par.?

śanair apo 'bhyaveyād abhighnann abhimukham ādityam udakam upaspṛśet // (13) Par.?

iti sarvatrodakopasparśanavidhiḥ // (14) Par.?

tasya dvaṃdvaṃ dravyāṇām eka upadiśanti pākārthabhojanārthavāsiparaśudātrakājānām // (15) Par.?

dvaṃdvānām ekaikam ādāyetarāṇi dattvāraṇyam avatiṣṭheta // (16) Par.?

tasyāraṇyenaivāta ūrdhvaṃ homo vṛttiḥ pratīkṣācchādanaṃ ca // (17) Par.?

yeṣu karmasu puroḍāśāś caravas teṣu kāryāḥ // (18) Par.?

sarvaṃ copāṃśu saha svādhyāyena // (19) Par.?

nāraṇyam abhyāśrāvayet // (20) Par.?

agnyarthaṃ śaraṇam // (21) Par.?

ākāśe svayam // (22) Par.?

anupastīrṇe śayyāsane // (23) Par.?

nave sasye prāpte purāṇam anujānīyāt // (24) Par.?