Texts

Help

Select a text:
Bibliography
Select a chapter:
 1 revision
Associated topic(s): kāmyeṣṭi

Show parallels  Show headlines
Use dependency labeler
Chapter id: 14849
  • Click on a sentence to show its analysis
  • Keep the mouse pointer over a lemma to show its meanings.
trīn puroḍāśān nirvaped bubhūṣan // (1) Par.?
traya ime lokāḥ // (2) Par.?
imān eva lokān āptvaujo vīryam avarunddhe // (3) Par.?
uttara uttaro jyāyān bhavati // (4) Par.?
uttara uttaro hy eṣāṃ lokānāṃ jyāyān adharottaraṃ bhavanti // (5) Par.?
evam iva hīme lokāḥ // (6) Par.?
dvādaśa kapālāni bhavanti // (7) Par.?
trayo hi te catuṣkapālāḥ // (8) Par.?
samṛddhyai // (9) Par.?
sarveṣām abhighātam avadyati // (10) Par.?
acchambaṭkāram // (11) Par.?
yasya nāvadyati cchambaṭkaroti // (12) Par.?
chambaṇ nāsya carati // (13) Par.?
vrīhimayaḥ prathamo bhavaty atho yavamayo 'tha vrīhimayaḥ // (14) Par.?
rohitā iva vai vrīhayaḥ // (15) Par.?
rohita ivāyaṃ lokaḥ // (16) Par.?
rohita ivāsau // (17) Par.?
śuklā iva yavāḥ // (18) Par.?
śuklam ivāntarikṣam // (19) Par.?
antarikṣeṇeme lokās saṃtatāḥ // (20) Par.?
eṣām lokānām anusaṃtatyai // (21) Par.?
naivāram uttamaṃ kuryāt // (22) Par.?
ajāmitvāya // (23) Par.?
tisro dhenavo dakṣiṇā // (24) Par.?
trīṇi tārpyāṇi // (25) Par.?
trīṇi hiraṇyāni // (26) Par.?
yajuṣāṃ vā etad rūpaṃ yat tārpyāṇi viṣīvyanti // (27) Par.?
sāmnāṃ hiraṇyāni // (28) Par.?
chandasāṃ dhenavaḥ // (29) Par.?
etāni vai yajñasya rūpāṇi // (30) Par.?
rūpair eva yajñam avarunddhe // (31) Par.?
sarvadevatyaṃ vāsaḥ // (32) Par.?
yad vāsāṃsi dadāti // (33) Par.?
sarvā eva devatā avarunddhe // (34) Par.?
tejo brahmavarcasaṃ hiraṇyam // (35) Par.?
yaddhiraṇyāni dadāti // (36) Par.?
teja eva brahmavarcasam avarunddhe // (37) Par.?
trissamṛddhā dhenur ātmā vatsaḥ payaḥ // (38) Par.?
yad dhenūr dadāti // (39) Par.?
trissamṛddham evainaṃ karoti // (40) Par.?
sarvāṇi cchandāṃsy anubrūyāt // (41) Par.?
sarvo vā eṣa yajñaḥ // (42) Par.?
sarvāṇi hi cchandāṃsi saumye 'dhvare 'nūcyante // (43) Par.?
yajño yad asṛjyata tasyolbam anvaveṣṭata // (44) Par.?
tat tārpyam abhavat // (45) Par.?
yajñas traidhātavyā // (46) Par.?
yat tārpyaṃ yajamānaḥ paridhatte // (47) Par.?
svenaiva yoninātmānam orṇute // (48) Par.?
uṣṇihakakubhau sāmidhenīṣv apy anubrūyāt // (49) Par.?
uṣṇihā vai kakubho vīryaṃ kakub uṣṇihāyāḥ // (50) Par.?
savīrye evaine avarunddhe // (51) Par.?
na jagatyā paridadhyāt // (52) Par.?
anto vā eṣā chandasām // (53) Par.?
antaṃ gacchet // (54) Par.?
yajñaṃ vicchindyāt // (55) Par.?
agne trī te vājinā trī ṣadhastheti // (56) Par.?
triṣṭubhā paridadhāti // (57) Par.?
ojo vai vīryaṃ triṣṭubnāntaṃ gacchati // (58) Par.?
ojasy enaṃ vīrye pratiṣṭhāpayati // (59) Par.?
Duration=0.19453382492065 secs.