Texts

Select a text:
Bibliography

Select a chapter:
(no revisions)

Associated topic(s): agnihotra

Show parallels Show headlines
Use dependency labeler

Chapter id: 14949

Click on a sentence to show its analysis
Keep the mouse pointer over a lemma to show its meanings.

uttareṇa gārhapatyam agnihotrasthālīṃ sruvam agnihotrahavaṇīṃ ca prakṣālya kūrce prayunakti pālāśīṃ samidhaṃ ca // (1) Par.?

iḍāsi vratabhṛd iti dakṣiṇena vihāram avasthitāṃ gām agnihotrīṃ yajamāno 'numantryeyam asīti vedim abhimṛśati // (2) Par.?

adhvaryuḥ pūṣāsīti vatsaṃ dakṣiṇata upasṛjya prācīm udīcīṃ vāvṛtyānyaḥ śūdrād astamita udite cāgnihotrasthālyā dogdhi dohanena ca // (3) Par.?

dugdhvā sthālyām ānayati // (4) Par.?

na saṃmṛśati // (5) Par.?

pūrvau dahyāj jyeṣṭhasya jyaiṣṭhineyasyety uktaṃ // (6) Par.?

yajamāno vidyud asīty apa upaspṛśyāpareṇāhavanīyam atikramya dakṣiṇata upaviśati patnī ca svaloke // (7) Par.?

sāyaṃ prātaḥ saṃdhyayor hotavyam // (8) Par.?

nakṣatraṃ dṛṣṭvā pradoṣe niśāyām upoṣasi purodayaṃ samayāviṣita udite vā // (9) Par.?

pradoṣānto homakālaḥ sāyaṃ saṃgavāntaḥ prātaḥ // (10) Par.?

tam atinīya doṣā vastor namaḥ svāheti sāyaṃ caturgṛhītaṃ juhuyāt prātar vastor namaḥ svāheti prātaḥ // (11) Par.?

ubhayatra vyāhṛtīr japitvā varaṃ dattvā juhuyāt // (12) Par.?

ā prātarāhutikālāt sāyam āhutikāla ā sāyamāhutikālāt prātarāhutikāla ity āpatkalpaḥ // (13) Par.?

ṛtaṃ tvā satyena pariṣiñcāmīti hastena sāyaṃ pariṣiñcati satyaṃ tvarteneti prātaḥ // (14) Par.?

yajñasya saṃtatir asīti gārhapatyāt saṃtatām apāṃ dhārāṃ srāvayaty āhavanīyāt // (15) Par.?

gārhapatyaśroṇim āsādya ghṛṣṭir asīti ghṛṣṭim ādāya bhūtakṛtaḥ sthety udīco 'ṅgārān nirūhya vyantān kṛtvā sagarāḥ sthety abhimantryāgnaya ādityaṃ gṛhṇāmy ahne rātrim iti sāyaṃ homyam ādāyeḍāyāḥ padam ity aṅgāreṣv adhiśrayati // (16) Par.?

Duration=0.072497129440308 secs.