Texts

Help

Select a text:
Bibliography
Select a chapter:
 (no revisions)
Associated topic(s): mahāvrata

Show parallels  Show headlines
Use dependency labeler
Chapter id: 15035
  • Click on a sentence to show its analysis
  • Keep the mouse pointer over a lemma to show its meanings.
vaśaṃ śaṃsati vaśe ma idaṃ sarvam asad iti // (1) Par.?
tā ekaviṃśatir bhavanty ekaviṃśatir hi tā antar udare vikṛtayaḥ // (2) Par.?
atho ekaviṃśo vai stomānāṃ pratiṣṭhā pratiṣṭhodaram annādyānām // (3) Par.?
tā vichandaso bhavanti vikṣudram iva vā antastyam aṇīya iva ca sthavīya iva ca // (4) Par.?
tāḥ praṇāvaṃ chandaskāraṃ yathopapādaṃ śaṃsati yathopapādam iva vā antastyaṃ hrasīya iva ca drāghīya iva ca // (5) Par.?
atha sūdadohāḥ prāṇo vai sūdadohāḥ prāṇena parvāṇi saṃdadhāti // (6) Par.?
tām atrotsṛjati dvādaśakṛtvaḥ śastvā dvādaśavidhā vā ime prāṇāḥ sapta śīrṣaṇyā dvau stanyau trayo 'vāñco 'tra vai prāṇā āpyante 'tra saṃskriyante tasmād enām atrotsṛjati // (7) Par.?
indrāgnī yuvaṃ su na ity aindrāgnā ūrū urvaṣṭhīve pratiṣṭhe // (8) Par.?
tāḥ ṣaṭpadā bhavanti pratiṣṭhāyā eva dvipratiṣṭho vai puruṣaś catuṣpādāḥ paśavo yajamānam eva tad dvipratiṣṭhaṃ catuṣpātsu paśuṣu pratiṣṭhāpayati // (9) Par.?
dvitīyā saptapadā bhavati tāṃ gāyatrīṃ cānuṣṭubhaṃ ca karoti brahma vai gāyatrī vāg anuṣṭub brahmaṇaiva tad vācaṃ saṃdadhāti // (10) Par.?
triṣṭubham antataḥ śaṃsati vīryaṃ vai triṣṭub vīryeṇaiva tat paśūn parigacchati tasmāt paśavo vīryam anūpatiṣṭhanta īryatāṃ caivābhyutthānaṃ ca // (11) Par.?
Duration=0.066066026687622 secs.