Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): mahāvrata, niṣkevalya śastra
Show parallels Show headlines
Use dependency labeler
Chapter id: 15234
- Click on a sentence to show its analysis
- Keep the mouse pointer over a lemma to show its meanings.
mūrdhā lokānām asi vāco rasas tejaḥ prāṇasyāyatanaṃ manasaḥ / (1.1) Par.?
saṃveśaś cakṣuṣaḥ saṃbhavaḥ śrotrasya pratiṣṭhā hṛdayasya sarvam // (1.2) Par.?
indraḥ karmākṣitam amṛtaṃ vyoma ṛtaṃ satyaṃ vijigyānam vivācanam / (2.1) Par.?
anto vāco vibhuḥ sarvasmād uttaraṃ jyotir ūdhar aprativādaḥ pūrvam // (2.2) Par.?
sarvaṃ vāk parāg arvāk sapru salilaṃ dhenu pinvati cakṣuḥ śrotraṃ prāṇaḥ / (3.1) Par.?
satyasaṃmitaṃ vākprabhūtaṃ manaso vibhūtaṃ hṛdayograṃ brāhmaṇabhartṛkam // (3.2) Par.?
annaśubhe varṣapavitraṃ gobhagaṃ pṛthivyuparam varuṇavāyvitamam / (4.1) Par.?
tapastanv indrajyeṣṭhaṃ sahasradhāram ayutākṣaram amṛtaṃ duhānam // (4.2) Par.?
etās ta ukthabhūtaya etā vāco vibhūtayaḥ / (5.1) Par.?
tābhir ma iha dhukṣvāmṛtasya śriyaṃ mahīm // (5.2) Par.?
prajāpatir idaṃ brahma vedānāṃ sasṛje rasam / (6.1) Par.?
tenāham viśvam āpyāsaṃ sarvān kāmān duhāṃ mahat // (6.2) Par.?
bhūr bhuvaḥ svas trayo vedo 'si // (7.1) Par.?
brahma prajām me dhukṣva // (8.1) Par.?
āyuḥ prāṇaṃ me dhukṣva // (9.1) Par.?
paśūn viśaṃ me dhukṣva // (10.1) Par.?
śriyaṃ yaśo me dhukṣva // (11.1) Par.?
lokam brahmavarcasam abhayaṃ yajñasamṛddhiṃ me dhukṣva // (12.1) Par.?
iti vācayaty adhvaryum abuddhaṃ ced asya bhavati // (13.1) Par.?
om ukthaśā yaja somasyetījyāyai saṃpreṣito ye3 yajāmaha ity āgūrya nityayaiva yajati vyavānyevānuvaṣaṭkaroti // (14.1) Par.?
uktaṃ vaṣaṭkārānumantraṇam // (15.1) Par.?
āharaty adhvaryur ukthapātram atigrāhyāṃś camasāṃś ca // (16.1) Par.?
bhakṣaṃ pratikhyāya hotā prāṅ preṅkhād avarohati // (17.1) Par.?
athaitaṃ preṅkhaṃ pratyañcam avabadhnanti yathā śaṃsitāraṃ bhakṣayiṣyantaṃ nopahaniṣyasīti // (18.1) Par.?
preṅkhasya hy āyatana āsīno hotā bhakṣayati // (19.1) Par.?
athaitad ukthapātraṃ hotopasṛṣṭena japena bhakṣayati / (20.1) Par.?
vāg devī somasya tṛpyatu / (20.2) Par.?
somo me rājāyuḥ prāṇāya varṣatu / (20.3) Par.?
sa me prāṇaḥ sarvam āyur duhāṃ mahad iti // (20.4) Par.?
uttamād ābhiplavikāt tṛtīyasavanam anyad vaiśvadevān nividdhānād asya vāmasya palitasya hotur iti salilasya dairghatamasa ekacatvāriṃśatam ānobhadrīyaṃ ca tasya sthāna aikāhikau vaiśvadevasya pratipadanucarau // (21.1) Par.?
cyaveta ced yajñāyajñīyam agne tava śravo vaya iti ṣaṭ stotriyānurūpau yadīḍāndaṃ bhūyasīṣu cet stuvīrann āgnim na svavṛktibhir iti tāvatīr anurūpaḥ // (22.1) Par.?
sampannaṃ mahāvrataṃ saṃtiṣṭhata idam ahar agniṣṭomo yathākālam avabhṛthaṃ preṅkhaṃ hareyuḥ saṃdaheyur bṛsīḥ // (23.1) Par.?
Duration=0.14152693748474 secs.