Texts

prāṇāyāmān dhārayet trīn yo yathāvidhy atandritaḥ / (1.1) Par.?

ahorātrakṛtaṃ pāpaṃ tatkṣaṇād eva naśyati // (1.2) Par.?

karmaṇā manasā vācā yad ahnā kṛtam ainasam / (2.1) Par.?

āsīnaḥ paścimāṃ sandhyāṃ prāṇāyāmair vyapohati // (2.2) Par.?

karmaṇā manasā vācā yad rātryā kṛtam ainasam / (3.1) Par.?

uttiṣṭhan pūrvasandhyāṃ tu prāṇāyāmair vyapohati // (3.2) Par.?

savyāhṛtikāḥ sapraṇavāḥ prāṇāyāmās tu ṣoḍaśa / (4.1) Par.?

api bhrūṇahanaṃ māsātpunanty aharahaḥ kṛtāḥ // (4.2) Par.?

japtvā kautsam apety etadvāsiṣṭhaṃ ca tricaṃ prati / (5.1) Par.?

māhitraṃ śuddhavatyaś ca surāpo 'pi viśudhyati // (5.2) Par.?

sakṛj japtvāsyavāmīyaṃ śivasaṃkalpam eva ca / (6.1) Par.?

suvarṇam apahṛtyāpi kṣaṇād bhavati nirmalaḥ // (6.2) Par.?

haviṣyantīyam abhyasya na tam aṃha iti tricam / (7.1) Par.?

sūktaṃ ca pauruṣaṃ japtvā mucyate gurutalpagaḥ // (7.2) Par.?

api vāpsu nimajjānas trir japed aghamarṣaṇam // (8.1) Par.?

yathāśvamedhāvabhṛthas tādṛśaṃ manur abravīt / (9.1) Par.?

ārambhayajñājjapayajño viśiṣṭo daśabhir guṇaiḥ / (9.2) Par.?

upāṃśuḥ syācchataguṇaḥ sāhasro mānasaḥ smṛtaḥ // (9.3) Par.?

ye pākayajñāś catvāro vidhiyajñasamanvitāḥ / (10.1) Par.?

sarve te japayajñasya kalāṃ nārhanti ṣoḍaśīm // (10.2) Par.?

jāpyenaiva tu saṃsidhyed brāhmaṇo nātra saṃśayaḥ / (11.1) Par.?

kuryād anyaṃ na vā kuryān maitro brāhmaṇa ucyate // (11.2) Par.?

jāpināṃ homināṃ caiva dhyāyināṃ tīrthavāsinām / (12.1) Par.?

na parivasanti pāpāni ye ca snātāḥ śirovrataiḥ // (12.2) Par.?

yathāgnir vāyunā dhūto haviṣā caiva dīpyate / (13.1) Par.?

evaṃ jāpyaparo nityaṃ brāhmaṇaḥ saṃpradīpyate // (13.2) Par.?

svādhyāyādhyāyināṃ nityaṃ nityaṃ ca prayatātmanāṃ / (14.1) Par.?

japatāṃ juhvatāṃ cāpi vinipāto na vidyate // (14.2) Par.?

sahasraparamāṃ devīṃ śatamadhyāṃ daśāvarām / (15.1) Par.?

śuddhikāmaḥ prayuñjīta sarvapāpeṣv api sthitaḥ // (15.2) Par.?

kṣatriyo bāhuvīryeṇa tared āpadam ātmanaḥ / (16.1) Par.?

dhanena vaiśyaśūdrau tu japair homair dvijottamaḥ // (16.2) Par.?

yathāśvā rathahīnāḥ syuḥ ratho vāśvair vinā yathā / (17.1) Par.?

evaṃ tapas tv avidyasya vidyā vāpy atapasvinaḥ // (17.2) Par.?

yathānnaṃ madhusaṃyuktaṃ madhu vānnena saṃyutam / (18.1) Par.?

evaṃ tapaś ca vidyā ca saṃyuktaṃ bheṣajaṃ mahat // (18.2) Par.?

vidyātapobhyāṃ saṃyuktaṃ brāhmaṇaṃ japanaityakam / (19.1) Par.?

sadāpi pāpakarmāṇam eno na pratiyujyate / (19.2) Par.?

eno na pratiyujyata iti // (19.3) Par.?