Texts

Help

Select a text:
Bibliography
Select a chapter:
 (no revisions)
Associated topic(s): bṛhatī, midday pavamāna, midday sacrifice, mādhyandina, mādhyaṃdinasavana

Show parallels  Show headlines
Use dependency labeler
Chapter id: 15458
  • Click on a sentence to show its analysis
  • Keep the mouse pointer over a lemma to show its meanings.
trīṇi ha vai chandāṃsi yajñaṃ vahanti gāyatrī triṣṭub jagatī // (1) Par.?
tad eṣānuṣṭub āntād anvāyattā // (2) Par.?
tayā devāḥ svargaṃ lokam ajigāṃsan // (3) Par.?
tayā na vyāpnuvan // (4) Par.?
tasyāṃ catuṣpadaḥ paśūn upādadhur gāṃ cāśvaṃ cājāṃ cāviṃ ca // (5) Par.?
tayā vyāpnuvan // (6) Par.?
te 'bruvan svargaṃ lokaṃ gatvā bṛhatī vā iyam abhūd yayedaṃ vyāpāmeti // (7) Par.?
tad eva bṛhatyai bṛhatītvam // (8) Par.?
na tataḥ purā bṛhatī nāma chanda āsa // (9) Par.?
sā vā eṣā paśava eva yad bṛhatī // (10) Par.?
yena nidhanam upayanti tena prastauti // (11) Par.?
teno eva punar ādim ādatte // (12) Par.?
tasmāt paśavo yata eva prajāyante tataḥ sambhavanti // (13) Par.?
te tata eva punaḥ prajāyante // (14) Par.?
na bṛhatyā vaṣaṭkuryāt paśūnām apravargāya // (15) Par.?
yad bṛhatyā vaṣaṭkuryād vajreṇa vaṣaṭkāreṇa paśūn pravṛñjyāt // (16) Par.?
Duration=0.048841953277588 secs.