Texts

śaste marutvatīye nārāśaṃsān bhakṣayanti // (1) Par.?

bhakṣiteṣu nārāśaṃseṣu pūrvayā dvārā sadaso 'dhi niṣkramyāparayā dvārāgnīdhraṃ prapadyāgnīdhre pṛṣṭhāhutī juhoti // (2) Par.?

rathaṃtaraṃ pibatu somyaṃ madhv āyur dadhad yajñapatāv avihrutam // (3) Par.?

imaṃ yajñam abhisaṃvasānā hotrās tṛpyantu sumanasyamānāḥ svāheti // (4) Par.?

tūṣṇīm uttarām // (5) Par.?

bṛhad iti vā // (6) Par.?

yat pṛṣṭhaṃ syāt tad ādiśet // (7) Par.?

rathantarasya stotram āharati // (8) Par.?

tat pratigṛhya pṛthivīm abhimṛśati namo mātre pṛthivyai rathaṃtaraṃ mā mā hiṃsīr iti // (9) Par.?

atha mahimnaḥ saṃbharati yas te agnau mahimā yas te apsu rathe yas te mahimā stanayitnau ya u te vāte yas te mahimā tena saṃbhava rathaṃtara draviṇasvan na edhīti // (10) Par.?

atha vāmadevyaṃ purastācchāntim abhivyāharati prajāpatir asi vāmadevyaṃ brahmaṇaḥ śaraṇaṃ tanmā pāhīti // (11) Par.?

athaitā amṛtā vyāhṛtīr abhivyāharati bhūr bhuvaḥ svaḥ // (12) Par.?

ka idam udgāsyati sa idam udgāsyatīty etad uktvābhyaniti // (13) Par.?

yadi bārhataṃ stotraṃ syād bṛhataḥ stotraṃ pratigṛhya brūyād divaṃ pitaram upaśraye bṛhan mā mā hiṃsīr iti // (14) Par.?

samānaṃ param // (15) Par.?

sa rathantareṇa stute bṛhatā vā // (16) Par.?

rathantare stute ho ity uktvādim ādadīta // (17) Par.?

bṛhati prastuta ā iti // (18) Par.?

rathantare prastūyamāne saṃmīlayet // (19) Par.?

svardṛśaṃ prati vipaśyet // (20) Par.?

yāvat stobhet tāvat pṛthivyāṃ hastau syātāṃ devarathasyānapavyāthāya // (21) Par.?

vāmadevyasya stotram āharati // (22) Par.?

tat pratigṛhyaitā vyāhṛtīr abhivyāharati gauś cāśvaś cājāś cāviś ca vrīhiś ca yavaś cāpo vāyur āpo vāyur iti // (23) Par.?

sa vāmadevyena madhyamayā vācānejan // (24) Par.?

ā pratihārād anavānaṃ gāyet // (25) Par.?

pratihāra eva pratihriyamāṇe vāg ity udgātā brūyāt // (26) Par.?

atha naudhasenātha kāleyeneti // (27) Par.?

saṃtiṣṭhate mādhyandinaṃ savanam // (28) Par.?