Texts

Help

Select a text:
Bibliography
Select a chapter:
 (no revisions)
Associated topic(s): ṣoḍaśin

Show parallels  Show headlines
Use dependency labeler
Chapter id: 15582
  • Click on a sentence to show its analysis
  • Keep the mouse pointer over a lemma to show its meanings.
indraś ca vai bṛhac ca samabhavatām // (1) Par.?
tam indraṃ bṛhad ekayā tanvātyaricyata // (2) Par.?
tasyā abibhed anayaiva mābhibhaviṣyatīti // (3) Par.?
sa devān abravīt ṣoḍaśy ayaṃ yajñakratur astv iti // (4) Par.?
tatheti // (5) Par.?
sa ṣoḍaśy abhavat // (6) Par.?
tat ṣoḍaśino janma // (7) Par.?
ati śriyā dviṣantaṃ bhrātṛvyaṃ ricyate ya evaṃ veda gāyatrīṣu dvipadāsu bṛhatā ṣoḍaśinā tuṣṭuvānaḥ // (8) Par.?
upa no haribhiḥ sutam ity etā vai gāyatryo dvipadāḥ // (9) Par.?
indro vai vṛtram ajighāṃsat // (10) Par.?
sa prajāpatim upādhāvaddhanāni vṛtram iti // (11) Par.?
tasmā etām apaharasam anuṣṭubhaṃ prāyacchat // (12) Par.?
tayā nāstṛṇuta // (13) Par.?
sa yad astṛtvā vyanadat tan nānadam abhavat // (14) Par.?
tan nānadasya nānadatvam // (15) Par.?
tasmād āhur nānadaṃ ṣoḍaśisāma kāryaṃ na hi tenāstṛṇuteti // (16) Par.?
taṃ punar upādhāvaddhanāny eva vṛtram iti // (17) Par.?
tasmai saptānāṃ hotrāṇāṃ haro nirmāya prāyacchat // (18) Par.?
tisrastisra eva hotrāyai // (19) Par.?
sa ekaviṃśaḥ ṣoḍaśī samapadyata // (20) Par.?
tenendro vṛtram ahan // (21) Par.?
hanti dviṣantaṃ bhrātṛvyaṃ ya evaṃ veda // (22) Par.?
ekaviṃśāyatano ha khalu vai ṣoḍaśī // (23) Par.?
sapta vai hotrāḥ prātassavane vaṣaṭkurvanti sapta mādhyaṃdine savane sapta tṛtīyasavane // (24) Par.?
atho yad evāsmai haro nirmāya prāyacchat // (25) Par.?
Duration=0.094810009002686 secs.