Texts

hiraṇyakeśān sudhurān hiraṇyākṣān ayaḥśaphān / (1.1) Par.?

aśvān anaśvato dānaṃ yamo rājādhitiṣṭhati / (1.2) Par.?

ity āharati // (1.3) Par.?

pūrvamukhyāhṛtiḥ // (2.1) Par.?

paurṇamāsyāṃ pañca paśūn ālabhate 'śvam ṛṣabhaṃ vṛṣṇiṃ bastaṃ prājāpatyaṃ tūparam iti muṣkarān // (3.1) Par.?

upākaroti agnibhyaḥ kāmāya juṣṭam iti // (4.1) Par.?

vaiśvānarīyo dvādaśakapālaḥ paśupuroḍāśaḥ // (5.1) Par.?

caturviṃśatiṃ sāmidhenīḥ parācīr anvāha // (6.1) Par.?

ekādaśa nityā upem asṛkṣīti tisraḥ samās tvāgna iti daśa // (7.1) Par.?

amutra bhūyād ity āmayāvinaḥ // (8.1) Par.?

rāye agne mahe tvā dānāya samidhīmahi / (9.1) Par.?

īḍiṣvā hi mahi vṛṣann agne hotrāya pṛthivīm / (9.2) Par.?

ity anāmayāvinaḥ // (9.3) Par.?

hiraṇyagarbha ity āghāraḥ // (10.1) Par.?

ūrdhvā asya samidha ity āprīḥ // (11.1) Par.?

puruṣaśirasā saha paryagnikṛtvā tān paryagnikṛtān utsṛjya prājāpatyavarjaṃ śirāṃsi pracchidya yasmāddhradād iṣṭakāḥ kariṣyan syāt tasmin śarīrāṇi nyasya bahvyā mṛdā śirāṃsi pralipya prājāpatyena tantraṃ saṃsthāpayanti // (12.1) Par.?

yady etān nālabheta vāyave niyutvate śvetaṃ tūparam ajam ālabheta // (13.1) Par.?

prājāpatyo dvādaśakapālaḥ paśupuroḍāśaḥ // (14.1) Par.?

samānam anyat // (15.1) Par.?

āgnāvaiṣṇava ekādaśakapāla ādityebhyo ghṛte carur agnaye ca vaiśvānarāya dvādaśakapāla iti dīkṣaṇīyā // (16.1) Par.?

samānam ā dīkṣāhutibhyaḥ pūrṇāhutivarjam // (17.1) Par.?

ādhvarikīr hutvākūtam agnim iti ṣaḍ āgnikīr juhoti // (18.1) Par.?

antataḥ pūrṇāhutiḥ // (19.1) Par.?

purastād vācoyamasyāhavanīya ukhāṃ pravṛṇakti mā su bhitthā iti // (20.1) Par.?

jātam avadadhyād ity āmnātāni kāmyāni // (21.1) Par.?

āyann agnau samidha ādadhāti drvanna iti krumukaṃ ghṛtāktam // (22.1) Par.?

prajāte parasyā adhi saṃvata ity audumbarīm // (23.1) Par.?

paramasyāḥ parāvata iti vaikaṅkatīm // (24.1) Par.?

yad agne yāni kāni ceti pañcabhiḥ pañcaudumbarīr aparaśuvṛkṇāḥ // (25.1) Par.?

ye janeṣu malimlava iti vaikaṅkatīm // (26.1) Par.?

daṃṣṭrābhyām ity āśvatthīm // (27.1) Par.?

yo asmabhyam arātīyād iti tailvakīṃ yady abhicarati // (28.1) Par.?

ud eṣāṃ bāhūn / (29.1) Par.?

saṃśitaṃ ma ity audumbaryāṃ yajamānaṃ vācayati // (29.2) Par.?

brahma kṣatram ity anādiṣṭavṛkṣām // (30.1) Par.?

ukhye bhriyamāṇe vṛṣṭikāmasya yāḥ saurī raśmivatīs tāsāṃ tisṛbhis tisra āśvatthīḥ samidha ādadhyād bhrājasvatībhiḥ saurībhir avṛṣṭikāmasya // (31.1) Par.?

yadi paśupatir abhimanyeta bhiṣagvatībhir āgneyībhiḥ // (32.1) Par.?

yadi naśyed agne 'bhyāvartin / (33.1) Par.?

agne 'ṅgiraḥ / (33.2) Par.?

punar ūrjā / (33.3) Par.?

saha rayyety upatiṣṭhate // (33.4) Par.?

sauvarṇaṃ rukmaṃ pāśavantam ekaviṃśatinirbādham // (34.1) Par.?