Texts

Help

Select a text:
Bibliography

Select a chapter:
(no revisions)

Associated topic(s): kāmyeṣṭi

Show parallels Show headlines
Use dependency labeler

Chapter id: 15847

Click on a sentence to show its analysis
Keep the mouse pointer over a lemma to show its meanings.

tvām iddhi havāmahe sātā vājasya kāravaḥ / (1.1) Par.?

tvāṃ vṛtreṣv indra satpatiṃ naras tvāṃ kāṣṭhom ity anūcya svarvato 'bhi tvā śūra nonuma iti yajet // (1.2) Par.?

kadācana starīr asīty āsāṃ caturthīṃ dadhāti // (2.1) Par.?

agnaye bhrājasvate puroḍāśam aṣṭākapālam ity uktam // (3.1) Par.?

caturdhākaraṇakāle sauryāṃs trīn piṇḍān uddhṛtyod u tyaṃ jātavedasaṃ sapta tvā harito rathe citraṃ devānām udagād anīkam iti piṇḍān yajamānāya prayacchati // (4.1) Par.?

tān yajamānaḥ prāśnāti // (5.1) Par.?

vaiśvadevīṃ sāṃgrahaṇīṃ nirvaped grāmakāmaḥ // (6.1) Par.?

navanīte śrapayati // (7.1) Par.?

dhruvo 'sīty etaiḥ pratimantraṃ paridhīn paridadhāti // (8.1) Par.?

āmanam asīty upahomaḥ // (9.1) Par.?

yo jyog āmayāvī syād yo vā kāmayeta sarvam āyur iyām iti tasmā etām iṣṭiṃ nirvapet / (10.1) Par.?

āgneyādīni pañca // (10.2) Par.?

pātrasaṃsādanakāle khādiraṃ pātraṃ catuḥsrakti prayunakti / (11.1) Par.?

sauvarṇaṃ ca pravartaṃ śatamānasya kṛtam // (11.2) Par.?

atho khalu yāvatīḥ samā eṣyan manyeta tāvanmānaṃ syāt // (12.1) Par.?

yan navam ait tan navanītam abhavad ity ājyam avekṣyājyagrahaṇakāle tūṣṇīṃ khādire caturgṛhītaṃ gṛhītvā sādanakāla uttareṇa dhruvāṃ khādiraṃ sādayitvā tasmin pravartam avadadhāti // (13.1) Par.?

Duration=0.041469097137451 secs.