Texts

Select a text:
Bibliography

Select a chapter:
(no revisions)

Show parallels Show headlines
Use dependency labeler

Chapter id: 15900

śvetā ādityāḥ // (1.1) Par.?

kṛṣṇagrīvā ity uktam // (2.1) Par.?

etā aindrāgnāḥ / (3.1) Par.?

bahurūpā vaiśvadevāḥ / (3.2) Par.?

prāśṛṅgāḥ śunāsīrīyāḥ / (3.3) Par.?

śvetā vāyavyāḥ / (3.4) Par.?

śvetāḥ sauryā iti cāturmāsyāḥ paśavaḥ // (3.5) Par.?

dvayān aikādaśinān ālabhante / (4.1) Par.?

prākṛtān āśvamedhikāṃś ca // (4.2) Par.?

agnaye 'nīkavata ity āśvamedhikān / (5.1) Par.?

somāya svarājña iti dvaṃdvinaḥ // (5.2) Par.?

upākṛtāya svāhety upākṛte juhoti / (6.1) Par.?

ālabdhāya svāheti niyukte / (6.2) Par.?

hutāya svāheti hute // (6.3) Par.?

patnayo 'śvam alaṃkurvanti / (7.1) Par.?

mahiṣī vāvātā parivṛktīti // (7.2) Par.?

śataṃ śatam ekaikasyāḥ sacivāḥ / (8.1) Par.?

rājaputrīr dārāś cogrāṇām arājñāṃ sūtagrāmaṇyām iti // (8.2) Par.?

sahasraṃ sahasraṃ maṇayaḥ suvarṇarajatasāmudrāḥ // (9.1) Par.?

vāleṣu maṇīn āvayanti / (10.1) Par.?

bhūr iti sauvarṇān mahiṣī prāg vahāt / (10.2) Par.?

bhuva iti rājatān vāvātā pratyagvahāt prāk śroṇeḥ / (10.3) Par.?

suvar iti sāmudrān parivṛktī pratyak śroṇeḥ // (10.4) Par.?

vāleṣu kumāryaḥ śaṅkhamaṇīn upagrathnanty aprasraṃsāya / (11.1) Par.?

na vā // (11.2) Par.?

athāsya svadeśān ājyenābhyañjanti / (12.1) Par.?

vasavas tvāñjantu gāyatreṇa chandaseti gaulgulavena mahiṣī / (12.2) Par.?

rudrā iti kāsāmbavena vāvātā / (12.3) Par.?

ādityā iti maustakṛtena parivṛktī // (12.4) Par.?

gaulgulavena surabhir aśvo medham upākṛtaḥ / (13.1) Par.?

devāṁ upapreṣyan vājin varcodā lokajid bhava / (13.2) Par.?

kāsāmbavena surabhir aśvo medham upākṛtaḥ / (13.3) Par.?

devāṁ upapreṣyan vājin varcodā lokajid bhava / (13.4) Par.?

maustakṛtena surabhir aśvo medham upākṛtaḥ / (13.5) Par.?

devāṁ upapreṣyan vājin varcodā lokajid bhavety etaiś ca pratimantram // (13.6) Par.?

Duration=0.10242009162903 secs.