Texts

yuñjanti bradhnam iti dakṣiṇasyāṃ yugadhury etam aśvaṃ yunakti // (1) Par.?

yuñjanty asya kāmyeti praṣṭī // (2) Par.?

ketuṃ kṛṇvann aketava iti rathe dhvajam avagūhati // (3) Par.?

jīmūtasyeveti kavacam adhyūhate // (4) Par.?

dhanvanā gā iti dhanur ādatte // (5) Par.?

vakṣyantīveti jyām abhimṛśati // (6) Par.?

te ācarantīti dhanor ārtnī saṃmṛśati // (7) Par.?

bahvīnāṃ pitā bahur asya putra iti pṛṣṭha iṣudhiṃ ninahyati // (8) Par.?

rathe tiṣṭhan nayati vājina iti sārathim abhimantrayate // (9) Par.?

tīvrān ghoṣān kṛṇvate vṛṣapāṇaya ity aśvān // (10) Par.?

svāduṣaṃsadaḥ pitaro vayodhā iti tisṛbhiḥ pitṝn upatiṣṭhate // (11) Par.?

ṛjīte pari vṛṅgdhi na ity ātmānaṃ pratyabhimṛśyā jaṅghantīty aśvājanim ādāyāhir iva bhogair iti hastaghnam abhimantrayate // (12) Par.?

vanaspate vīḍvaṅgo hi bhūyā iti pañcabhī ratham // (13) Par.?

āmūr aja pratyāvartayemāḥ ketumad iti dundubhīn saṃhrādayanti // (14) Par.?

ākrān vājī kramair atyakramīd vājīty udagudakāntam abhiprayāya ye te panthānaḥ savitar ity adhvaryur yajamānaṃ vācayati // (15) Par.?

svayaṃ vājinn apo 'vajighrety apo 'śvam avaghrāpya yad vāto apo agamad iti pradakṣiṇam āvartayati // (16) Par.?

yataḥ prayāti tad avatiṣṭhate // (17) Par.?

vi te muñcāmīty etam aśvaṃ vimucya rathavāhanaṃ havir asya nāmeti rathavāhane ratham atyādhāya dyaus te pṛṣṭham ity aśvasya pṛṣṭhaṃ saṃmārṣṭi // (18) Par.?

lājī3ñ chācī3n yaśo mamā3ṃ iti patnayo 'śvāyānnapariśeṣān upavapanti // (19) Par.?

yayopanyuptam atti tasyai prajā rāṣṭraṃ bhavati // (20) Par.?