Texts

Select a text:
Bibliography

Select a chapter:
(no revisions)

Associated topic(s): aśvamedha, hayamedha

Show parallels Show headlines
Use dependency labeler

Chapter id: 15918

Click on a sentence to show its analysis
Keep the mouse pointer over a lemma to show its meanings.

ṛṣabhacarmābhiṣicyamānasyopari dhārayanti // (1.1) Par.?

sahasraśīrṣā puruṣa iti puruṣeṇa nārāyaṇena sauvarṇena śatamānena śatakṣareṇa śatakṛṣṇalena yajamānasya śīrṣann adhinidadhāti // (2.1) Par.?

prajāpates tvā prasave pṛthivyā nābhāv antarikṣasya bāhubhyāṃ divo hastābhyāṃ prajāpates tvā parameṣṭhinaḥ svārājyenābhiṣiñcāmīti mahimnoḥ saṃsrāveṇābhiṣiñcati // (3.1) Par.?

vāyavyair abhiṣiñcatīty eke // (4.1) Par.?

madhuś ca mādhavaś ceti māsanāmabhir abhiṣicyamānam abhijuhoti // (5.1) Par.?

vasantāya svāhā grīṣmāya svāhety ṛtubhyaḥ ṣaṭ // (6.1) Par.?

vi na indra mṛdho jahi nīcā yaccha pṛtanyataḥ / (7.1) Par.?

yo asmāṁ abhidāsaty adharaṃ gamayā tamaḥ / (7.2) Par.?

vi rakṣo vi mṛdho nuda vi vṛtrasya hanū ruja / (7.3) Par.?

vi manyum indra vṛtrahann amitrasyābhidāsata iti vaimṛdhībhyāṃ yajamāno mukhaṃ vimṛṣṭe // (7.4) Par.?

ūrdhvā asya samidho bhavantīti prājāpatyābhir āprībhir abhiṣicyamānasya hastaṃ gṛhṇāti // (8.1) Par.?

prajāpatiś carati garbhe antaḥ / (9.1) Par.?

prajāpatiṃ prathamaṃ yajñiyānāṃ devānām agre yajataṃ yajadhvam / (9.2) Par.?

sa no dadātu draviṇaṃ suvīryaṃ rāyaspoṣaṃ vi ṣyatu nābhim asme / (9.3) Par.?

taveme lokāḥ pradiśo diśaś ca parāvato nivata udvataś ca / (9.4) Par.?

prajāpate viśvasṛj jīvadhanya idaṃ no deva pratiharya havyam iti ṣaṭ prājāpatyā upariṣṭād abhiṣekasya juhoti // (9.5) Par.?

prācī diśām iti ṣaṭ cāpānabhṛtaḥ // (10.1) Par.?

atra yajamāno jāgatān viṣṇukramān krāmati // (11.1) Par.?

Duration=0.055440902709961 secs.