Texts

atha mānāni // (1) Par.?

diṣṭikudiṣṭivitastinimuṣṭyaratnipadaprakramāḥ // (2) Par.?

prādeśena dhanuṣā cemāṃ mātrāṃ mimīmaha iti // (3) Par.?

sapta dakṣiṇato mimīte saptottarataḥ pañca purastāt trīṇi paścāt // (4) Par.?

nava dakṣiṇato mimīte navottarataḥ sapta purastāt pañca paścāt // (5) Par.?

ekādaśa dakṣiṇato mimīta ekādaśottarato nava purastāt sapta paścāt // (6) Par.?

ekādaśabhir devadarśinām // (7) Par.?

ayugmamānāni parimaṇḍalāni caturasrāṇi vā śaunakinām // (8) Par.?

tathā hi dṛśyante // (9) Par.?

yāvān puruṣa ūrdhvabāhus tāvān agniś citaḥ // (10) Par.?

savyāni dakṣiṇādvārāṇy ayugmaśilāny ayugmeṣṭikāni ca // (11) Par.?

imāṃ mātrāṃ mimīmaha iti dakṣiṇataḥ savyarajjuṃ mītvā // (12) Par.?

vārayatām agham iti vāraṇaṃ paridhiṃ paridadhāti śaṅkuṃ ca nicṛtati // (13) Par.?

purastān mītvā śam ebhyo astv agham iti śāmīlaṃ paridhiṃ paridadhāti śaṅkuṃ ca nicṛtati // (14) Par.?

uttarato mītvā śāmyatv agham ity audumbaraṃ paridhiṃ paridadhāti śaṅkuṃ ca nicṛtati // (15) Par.?

paścān mītvā śāntam agham iti pālāśaṃ paridhiṃ paridadhāti śaṅkuṃ ca nicṛtati // (16) Par.?

amāsīty anumantrayate // (17) Par.?

akṣṇayā lohitasūtreṇa nibadhya // (18) Par.?

stuhi śrutam iti madhye gartaṃ khātvā pāśisikatoṣodumbaraśaṅkhaśālūkasarvasurabhiśamīcūrṇāni nivapati // (19) Par.?

niḥśīyatām agham iti niḥśīyamānam āstṛṇāti // (20) Par.?

asaṃpraty agham // (21) Par.?

vi lumpatām agham iti pari cailaṃ dūrśaṃ vilumpati // (22) Par.?

ukto homo dakṣiṇata staraṇaṃ ca // (23) Par.?

etad ā roha dadāmīti kaniṣṭho nivapati // (24) Par.?

edaṃ barhir iti sthitasūnur yathāparu saṃcinoti // (25) Par.?

mā te mano yat te aṅgam indro modapūr ity āto 'numantrayate // (26) Par.?

dhānāḥ saliṅgābhir āvapati // (27) Par.?