Texts

saṃvatsaro vā antarā tamas svargaṃ lokam // (1) Par.?

jyotiṣmatīr etās sāhasrīr iṣṭakāḥ // (2) Par.?

yaddhiraṇyaśalkaiḥ prokṣati jyotiṣaivāsmai saṃvatsaraṃ vivāsayati // (3) Par.?

sahasrasya pramāsi // (4) Par.?

sahasrasya pratimāsīti // (5) Par.?

sahasrasaṃmitā hīme lokāḥ // (6) Par.?

ghnanti vā etad agner yad asyātra na kriyate yan na cīyate // (7) Par.?

amṛtaṃ hiraṇyam // (8) Par.?

yaddhiraṇyaśalkaiḥ prokṣaty amṛtenaivāsya tanvaṃ pṛṇakti // (9) Par.?

imā me agna iṣṭakā dhenavas santv iti dhenūr evaināḥ kurute // (10) Par.?

tā enaṃ kāmadughā amuṣmiṃl loka upatiṣṭhante // (11) Par.?

rudraṃ vai devā yajñān nirabhajan // (12) Par.?

sa devān āyatayābhiparyāvartata // (13) Par.?

te devā etac chatarudriyam apaśyan // (14) Par.?

tenainam aśamayan // (15) Par.?

yacchatarudriyaṃ juhoti tenaivainaṃ śamayati // (16) Par.?

jānudaghne 'gre juhoti // (17) Par.?

asyā eva rudram avayajate // (18) Par.?

atha nābhidaghne // (19) Par.?

antarikṣād eva rudram avayajate // (20) Par.?

atha puruṣamātre // (21) Par.?

amuṣyā eva rudram avayajate // (22) Par.?

ita evordhvaṃ rudram avayajate // (23) Par.?

atha puruṣamātre // (24) Par.?

atha nābhidaghne // (25) Par.?

atha jānudaghne // (26) Par.?

amuta evārvāñcaṃ rudram avayajate // (27) Par.?

tat ṣaṭ sampadyate // (28) Par.?

ṣaḍ vā ṛtavaḥ // (29) Par.?

ṛtubhya eva rudraṃ niravayajate // (30) Par.?

gavīdhukāsaktubhir vā jartilair vā kusayasarpiṣā vā mṛgakṣīreṇa vā juhoti // (31) Par.?

yad grāmyeṇa juhuyād grāmāvacāriṇaṃ rudraṃ kuryāt // (32) Par.?

āraṇyenaivāraṇyam abhi rudraṃ niravayajate // (33) Par.?

arkaparṇena juhoti // (34) Par.?

arko vā agniḥ // (35) Par.?

arkeṇaivainam arkād adhi niravayajate // (36) Par.?

uttarasya pakṣasya yā carameṣṭakā tasyāṃ juhoti // (37) Par.?

eṣā vai rudrasya dik // (38) Par.?

svāyām eva diśi rudraṃ pratihṛtyāvayajate // (39) Par.?

paśur vā agniḥ // (40) Par.?

etarhi vā eṣa jāyate yarhi cīyate // (41) Par.?

yathā vatso jātas stanaṃ prepsaty evaṃ vā eṣa etarhi bhāgadheyaṃ prepsati // (42) Par.?

sa yajamānaṃ caivādhvaryuṃ ca dhyāyati // (43) Par.?

yac chatarudriyaṃ juhoti bhāgadheyenaivainaṃ śamayati // (44) Par.?

aṅgiraso vai svargaṃ lokaṃ yantas te 'jāyāṃ gharmaṃ prāsiñcan // (45) Par.?

sā śocantī parṇaṃ parāmṛśat // (46) Par.?

so 'rko 'bhavat // (47) Par.?

tad arkasyārkatvam // (48) Par.?

yad arkaparṇena juhoti sayonitvāya // (49) Par.?

yaṃ dviṣyāt tasya saṃcare paśūnāṃ nyasyet // (50) Par.?

yaḥ prathamaḥ paśur ākrāmati ta ārtim ārchanti // (51) Par.?

yā uttamās tā yajamānaṃ vācayet // (52) Par.?

etā vai devatās svargyāḥ // (53) Par.?

tābhir eva svargaṃ lokam eti // (54) Par.?

etā vai devatā abhicaraṇīyāḥ // (55) Par.?

yaṃ dviṣyāt taṃ brūyād amuṃ vo jambhe dadhāmīti // (56) Par.?

etābhya evainaṃ devatābhya āvṛścati // (57) Par.?

tājak pradhanvati // (58) Par.?