Texts

athāto mahāvratīyasyaiva / (1.1) Par.?

prajāpater ha vai prajāḥ sasṛjānasya parvāṇi visasraṃsuḥ / (1.2) Par.?

sa visrastaiḥ parvabhir na śaśāka saṃhātum / (1.3) Par.?

tato devā arcantaḥ śrāmyantaś ceruḥ / (1.4) Par.?

ta etaṃ mahāvratīyaṃ dadṛśuḥ / (1.5) Par.?

tam asmā agṛhṇan / (1.6) Par.?

tenāsya parvāṇi samadadhuḥ // (1.7) Par.?

sa saṃhitaiḥ parvabhir idam annādyam abhyuttasthau yad idam prajāpater annādyam / (2.1) Par.?

yad vai manuṣyāṇām aśanaṃ tad devānāṃ vratam / (2.2) Par.?

mahad vā idaṃ vratam abhūd yenāyaṃ samahāsteti / (2.3) Par.?

tasmān mahāvratīyo nāma // (2.4) Par.?

evaṃ vā ete bhavanti ye saṃvatsaram āsate yathaiva tat prajāpatiḥ prajāḥ sasṛjāna āsīt / (3.1) Par.?

sa yathaiva tat prajāpatiḥ saṃvatsare 'nnādyam abhyudatiṣṭhad evam evaita etat saṃvatsare 'nnādyam abhyuttiṣṭhanti yeṣām evaṃ viduṣām etaṃ grahaṃ gṛhṇanti // (3.2) Par.?

taṃ vā indrāyaiva vimṛdhe gṛhṇīyāt / (4.1) Par.?

sarvā vai teṣām mṛdho hatā bhavanti sarvaṃ jitaṃ ye saṃvatsaram āsate / (4.2) Par.?

tasmād vimṛdhe / (4.3) Par.?

vi na indra mṛdho jahi nīcā yaccha pṛtanyataḥ / (4.4) Par.?

yo asmān abhidāsaty adharaṃ gamayā tamaḥ / (4.5) Par.?

upayāmagṛhīto 'sīndrāya tvā vimṛdha eṣa te yonir indrāya tvā vimṛdha iti // (4.6) Par.?

atho viśvakarmaṇe / (5.1) Par.?

viśvaṃ vai teṣāṃ karma kṛtaṃ sarvaṃ jitam bhavati ye saṃvatsaram āsate / (5.2) Par.?

tasmād viśvakarmaṇe / (5.3) Par.?

vācaspatim viśvakarmāṇam ūtaye manojuvaṃ vāje adyā huvema / (5.4) Par.?

sa no viśvāni havanāni joṣad viśvaśambhūr avase sādhukarmā / (5.5) Par.?

upayāmagṛhīto 'sīndrāya tvā viśvakarmaṇa eṣa te yonir indrāya tvā viśvakarmaṇa iti // (5.6) Par.?

yady u aindrīṃ vaiśvakarmaṇīṃ vidyāt tathaiva gṛhṇīyāt / (6.1) Par.?

viśvakarman haviṣā vardhanena trātāram indram akṛṇor avadhyam / (6.2) Par.?

tasmai viśaḥ samanamanta pūrvīr ayam ugro vihavyo yathāsat / (6.3) Par.?

upayāmagṛhīto 'sīndrāya tvā viśvakarmaṇa eṣa te yonir indrāya tvā viśvakarmaṇa iti // (6.4) Par.?