Texts

Help

Select a text:
Bibliography
Select a chapter:
 (no revisions)
Associated topic(s): darśapūrṇamāsa iṣṭi, full-moon sacrifice

Show parallels  Show headlines
Use dependency labeler
Chapter id: 16397
  • Click on a sentence to show its analysis
  • Keep the mouse pointer over a lemma to show its meanings.
ulmukam apisṛjati / (1.1) Par.?
abhūn no dūto haviṣo jātavedā avāḍḍhavyāni surabhīṇi kṛtvā / (1.2) Par.?
prādāḥ pitṛbhyaḥ svadhayā te akṣan prajānann agne punar apyehi devān iti // (1.3) Par.?
prājāpatyayarcā punar eti prajāpata ity etayā // (2.1) Par.?
paṅktyā gārhapatyam upatiṣṭhate yad antarikṣaṃ pṛthivīm uta dyām iti // (3.1) Par.?
agnau sakṛd ācchinnaṃ prahṛtyādbhiḥ prokṣya dvandvaṃ piṇḍapitṛyajñapātrāṇi pratyudāharati // (4.1) Par.?
apaḥ piṇḍān abhyavahared brāhmaṇaṃ vā bhojayed agnau vā praharet // (5.1) Par.?
ye samānāḥ samanasaḥ pitaro yamarājye / (6.1) Par.?
teṣāṃ lokaḥ svadhā namo yajño deveṣu kalpatām iti prathamaṃ piṇḍaṃ praharati // (6.2) Par.?
ye sajātāḥ samanaso jīvā jīveṣu māmakāḥ / (7.1) Par.?
teṣāṃ śrīr mayi kalpatām asmiṃl loke śataṃ samā itītarau // (7.2) Par.?
patnī vā madhyamaṃ piṇḍaṃ prāśnāti // (8.1) Par.?
pumāṃsaṃ ha jānukā bhavatīti vijñāyate // (9.1) Par.?
ādhatta pitaro garbhaṃ kumāraṃ puṣkarasrajam / (10.1) Par.?
yatheha pitaro loke dīrghamāyuḥ prajīvitād iti prāśana āmnāto bhavati // (10.2) Par.?
saṃtiṣṭhate piṇḍapitṛyajñaḥ // (11.1) Par.?
evaṃ vihita evānāhitāgner bhavaty anyatra gārhapatyopasthānāt // (12.1) Par.?
anyaṃ gārhapatyasthānīyam āgamayed ity ekam // (13.1) Par.?
yasmin praharet tam upatiṣṭhetety aparam // (14.1) Par.?
tatra gārhapatyaśabdo lupyeta saṃskārapratiṣedhāt // (15.1) Par.?
Duration=0.16120600700378 secs.