Texts

Help

Select a text:
Bibliography
Select a chapter:
 (no revisions)
Associated topic(s): twelve-day Soma rite, dvādaśāha

Show parallels  Show headlines
Use dependency labeler
Chapter id: 16434
  • Click on a sentence to show its analysis
  • Keep the mouse pointer over a lemma to show its meanings.
tasya mīmāṃsā // (1) Par.?
gārhapatye 'nupraharet pratiṣṭhākāmānām āgnīdhre prajākāmānāṃ śāmitre paśukāmānām āhavanīye svargakāmānām iti // (2) Par.?
anādṛtya tad āhavanīya evānupraharati bhavataṃ naḥ samanasāv iti // (3) Par.?
prahṛtyābhijuhoti agnāv agniś carati praviṣṭa iti // (4) Par.?
etāvad evaitad ahaḥ śilpaṃ kriyate // (5) Par.?
ahīnasaṃtatiṃ karoti // (6) Par.?
atha śvo bhūte tāyate triṇava ukthyaḥ śākvarasāmā // (7) Par.?
aindro 'tigrāhyaḥ // (8) Par.?
adbhir etad ahar avakāmiśrābhir adhvaryur māhendrasya stotram upākaroti // (9) Par.?
tāsāṃ mīmāṃsā // (10) Par.?
cātvāle 'vanayed āstāve ninayet prokṣaṇīḥ kurvīta puroḍāśīyāni piṣṭāni saṃyauyād iti // (11) Par.?
anādṛtya tad udgātṛṣv adhīnā evaināḥ kuryāt // (12) Par.?
udgātāro haitābhir araṇyegeyānāṃ sāmnāṃ śucaṃ śamayanto manyante // (13) Par.?
tā u ced adhvaryave prabrūyur apo 'bhyavaharatety eva brūyād iti // (14) Par.?
etāvad evaitad ahaḥ śilpaṃ kriyate // (15) Par.?
ahīnasaṃtatiṃ karoti // (16) Par.?
atha śvo bhūte tāyate trayastriṃśa ukthyo raivatasāmā // (17) Par.?
sauryo 'tigrāhyaḥ // (18) Par.?
adbhir evaitad ahar dūrvāmiśrābhir adhvaryur māhendrasya stotram upākaroti // (19) Par.?
Duration=0.075837850570679 secs.