Texts

svargakāmo jyotiṣṭomena yajeta / (1.1) Par.?

ekakāmaḥ sarvakāmo vā / (1.2) Par.?

yugapat kāmayetāhārapṛthaktve vā // (1.3) Par.?

vasante jyotiṣṭomena yajeta // (2.1) Par.?

agniṣṭomaḥ prathamayajñaḥ // (3.1) Par.?

atirātram eke pūrvaṃ samāmananti // (4.1) Par.?

vasante vasante jyotiṣṭomena yajeta / (5.1) Par.?

tasya tisro dakṣiṇā iti chandogabrāhmaṇaṃ bhavati // (5.2) Par.?

rathaṃtarasāmnā bṛhatsāmnobhayasāmnā vā prathamaṃ yajeta // (6.1) Par.?

na rathaṃtarasāmānam akṛtvā bṛhatsāmānam āhared ity eke // (7.1) Par.?

yadīṣṭyā yadi paśunā yadi somena yajetāmāvāsyāyāṃ vaiva paurṇamāsyāṃ vā yajeta // (8.1) Par.?

deva varuṇa devayajanaṃ me dehīti yajamāno rājānaṃ devayajanaṃ yācet // (9.1) Par.?

sa yadi dadāti devayajanavān bhūyā ity enam āha / (10.1) Par.?

yadi na dadāti yad ahaṃ devayajanaṃ veda tasmiṃs tvā devayajana ā kṣiṇomīti // (10.2) Par.?

athainam anuvyāharanti / (11.1) Par.?

mana upāvadhīr manas tvā hāsyatīti brahmā / (11.2) Par.?

vācam upāvadhīr vāk tvā hāsyatīti hotā / (11.3) Par.?

prāṇam upāvadhīḥ prāṇas tvā hāsyatīty adhvaryuḥ / (11.4) Par.?

cakṣur upāvadhīś cakṣus tvā hāsyatīty udgātā / (11.5) Par.?

ātmānam upāvadhīr ātmā tvā hāsyatīti sadasyaḥ / (11.6) Par.?

prajātim upāvadhīḥ prajā tvā hāsyatīti yajamānaḥ / (11.7) Par.?

aṅgāny upāvadhīr aṅgāni tvā hāsyantīti hotrakāḥ / (11.8) Par.?

bhūtāny upāvadhīr bhūtāni tvā hāsyantīti sarva ṛtvijaḥ // (11.9) Par.?