Texts

yāvad evātrādhvaryuś ceṣṭati tāvad eṣa pratiprasthātā patnyai dakṣiṇam upapakṣam adbhir unatti tūṣṇīm // (1) Par.?

tūṣṇīm ūrdhvāgraṃ barhir anūcchrayati // (2) Par.?

tūṣṇīṃ svadhitiṃ tiryañcaṃ nidadhāti // (3) Par.?

tūṣṇīṃ pravapati // (4) Par.?

tūṣṇīm uptāntaṃ pratyabhimṛśate // (5) Par.?

etayaivāvṛtottaram upapakṣam adbhir unatti tūṣṇīm eva // (6) Par.?

nāpitāya kṣuraṃ prayacchann āha nāpitoptopapakṣāṃ me nikṛttanakhāṃ prabrūtād iti // (7) Par.?

tāṃ tathā prāha // (8) Par.?

athainām adbhir abhiṣiñcati tūṣṇīm // (9) Par.?

tūṣṇīṃ saṃpradhāvya rajaḥ praplāvayati tūṣṇīm // (10) Par.?

adbhir udeti tūṣṇīm // (11) Par.?

vasanasyāntena praticchādyāpa ācāmati // (12) Par.?

tūṣṇīṃ pradakṣiṇam ahataṃ vāsaḥ paridhatte // (13) Par.?

tūṣṇīm abhyaṅkte // (14) Par.?

tūṣṇīm āṅkte // (15) Par.?

athainām aparimitair darbhapuñjīlaiḥ pavayati tūṣṇīṃ tūṣṇīm eva // (16) Par.?

athainām ānīyāparayā dvārā śālāṃ prapādya prācīm udānayan vācayati praitu brahmaṇaspatnī vediṃ varṇena sīdatu / (17.1) Par.?

athāham anukāminī sve loke viśā iheti // (17.2) Par.?

atha jaghanena gārhapatyam upasīdati suprajasas tvā vayam supatnīr upasedima / (18.1) Par.?

agne sapatnadambhanam adabdhāso adābhyam iti // (18.2) Par.?

atha pṛṣṭhyāṃ stīrtvāpaḥ praṇīyāgnāvaiṣṇavam ekādaśakapālaṃ dīkṣaṇīyām iṣṭiṃ nirvapati // (19) Par.?

tasyai daśatayam utsīdati na yajamānaṃ vratam upanayati na patnīṃ saṃnahyati na yajamānabhāgaṃ karoti na brahmabhāgaṃ na barhiṣadaṃ puroḍāśaṃ karoti nānvāhāryaṃ yācati na phalīkaraṇahomena carati na samiṣṭayajur juhoti na pūrṇapātre yajamānaṃ vācayati na viṣṇukramān kramate // (20) Par.?

athādhvaryuḥ pradakṣiṇam āvṛtya pratyaṅṅ ādrutya patnīḥ saṃyājya prāṅ etya dhruvām āpyāyyājyasthālyāṃ pratyavanīyājyasthālyāḥ sruveṇopaghātaṃ dīkṣāhutīr juhoti // (21) Par.?