Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): agniṣṭoma, somakraya, -vikraya, buying Soma
Show parallels Show headlines
Use dependency labeler
Chapter id: 16607
- Click on a sentence to show its analysis
- Keep the mouse pointer over a lemma to show its meanings.
Caland, Henry ﾧ32.a
athātraiva tiṣṭhan yācati candraṃ ca chāgāṃ ca kṛṣṇabalakṣyāv ūrṇāstuke uṣṇīṣaṃ dve vāsasī dve kṛṣṇājine somakrayaṇīm iti // (1) Par.?
atha pṛcchati somavikrayiñchuddhas te somā3 iti // (2) Par.?
śuddha itītaraḥ pratyāha // (3) Par.?
suvicitaṃ rājānaṃ purastādbhāgābhir upatiṣṭhata eṣa te gāyatro bhāga iti me somāya brūtād eṣa te traiṣṭubho bhāga iti me somāya brūtād eṣa te jāgato bhāga iti me somāya brūtāc chandomānāṃ sāmrājyaṃ gaccheti me somāya brūtād iti // (4) Par.?
athaitad rohitaṃ carmānaḍuham uttaralomāstīrya // (5) Par.?
athaitad dviguṇaṃ vāsaḥ prācīnadaśam uttarārdhe carmaṇa upastṛṇāti // (6) Par.?
atha hiraṇyavatā pāṇinā rājānam abhimṛśaty aṃśunā te aṃśuḥ pṛcyatāṃ paruṣā parur gandhas te kāmam avatu madāya raso acyuto 'mātyo 'si śukras te graha iti // (7) Par.?
athainam aticchandasarcā mimīte // (8) Par.?
ekayaikayotsargaṃ mimīte // (9) Par.?
ayātayāmniyāyātayāmniyaivainaṃ mimīte // (10) Par.?
sarvāsv aṅguṣṭham upanigṛhṇāti abhi tyaṃ devaṃ savitāram ūṇyoḥ kavikratum arcāmi satyasavasaṃ ratnadhām abhi priyaṃ matim / (11.1) Par.?
ūrdhvā yasyāmatir bhā adidyutat savīmani hiraṇyapāṇir amimīta sukratuḥ kṛpā suvar iti // (11.2) Par.?
pañcakṛtvo yajuṣā pañcakṛtvas tūṣṇīm // (12) Par.?
daśakṛtvo mimāno 'rdhavelāṃ rājño mimīte // (13) Par.?
athātiśiṣṭaṃ rājānam prajābhyas tvety upasamūhati // (14) Par.?
samuccitya vasanasyāntān pradakṣiṇam uṣṇīṣeṇopanahyati prāṇāya tveti // (15) Par.?
vyānāya tvety anuśṛnthati // (16) Par.?
athopariṣṭādaṅgulyāvakāśaṃ kṛtvā yajamānam avekṣayati prajās tvam anu prāṇihi prajās tvām anu prāṇantv iti // (17) Par.?
athainaṃ carmaṇi nidadhāti // (18) Par.?
taṃ tataḥ kautsa ādatte // (19) Par.?
adbhir abhyukṣya carmodūhati // (20) Par.?
athopotthāya pṛcchati somavikrayin krayyas te somā3 iti // (21) Par.?
krayya itītaraḥ pratyāha // (22) Par.?
mūjavatā3 iti // (23) Par.?
mūjavato hītītaraḥ pratyāha // (24) Par.?
athainaṃ gavā paṇate gavā te krīṇānīti // (25) Par.?
krītaḥ soma ity āha somavikrayī vayāṃsi vyācakṣveti // (26) Par.?
eṣā te somakrayaṇī candraṃ te chāgā te vastraṃ ta iti // (27) Par.?
athainaṃ hiraṇyena paṇate // (28) Par.?
Duration=0.20379090309143 secs.