Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): pravara, choosing the priest, priest, ṛtvij, sacrificial ground, place of sacrifice, devayajana
Show parallels Show headlines
Use dependency labeler
Chapter id: 16622
- Click on a sentence to show its analysis
- Keep the mouse pointer over a lemma to show its meanings.
te vā ṛtvijaḥ sa yajamānaḥ daivā vā anya ṛtvijo mānuṣā anye / (1.1) Par.?
yaṃ daivā yājayanti devalokam eva sa tair avarunddhe / (1.2) Par.?
na manuṣyalokam / (1.3) Par.?
atha yaṃ mānuṣā yājayanti manuṣyalokam eva sa tair avarunddhe / (1.4) Par.?
na devalokam / (1.5) Par.?
atha yam ubhaye yājayanti devalokaṃ caiva sa tair avarunddhe / (1.6) Par.?
manuṣyalokaṃ ca // (1.7) Par.?
Caland, Henry ﾧ6
sa etān daivān ṛtvijo vṛṇīta agnir me hotādityo me 'dhvaryuś candramā me brahmā parjanyo ma udgātākāśo me sadasya āpo me hotrāśaṃsino raśmayo me camasādhvaryavaḥ // (2.1) Par.?Caland, Henry ﾧ4
sa etān daivān ṛtvijo vṛtvāthaitān mānuṣān vṛṇīta / (3.1) Par.?
ya enam abhirādhayeyuḥ // (3.2) Par.?
Caland, Henry ﾧ8
atha kṣatriyaṃ devayajanaṃ yācet // (4.1) Par.?
sa cet tasmai dadyād devayajanavān bhūyā ity enaṃ brūyāt // (5.1) Par.?
na cet tasmai dadyād yad ahaṃ devayajanaṃ veda tasmiṃs tvā vṛścānīty enaṃ brūyāt // (6.1) Par.?
agnir vāva tad devayajanaṃ bhūmir vāva tad devayajanam āpo vāva tad devayajanaṃ śraddhā vāva tad devayajanam / (7.1) Par.?
eteṣu ha vā enaṃ devayajaneṣv āvṛścaty atho hārtim evāpauruṣeyīṃ neti // (7.2) Par.?
atha tata etyartvijo devayajanaṃ yācet // (8.1) Par.?
agnir me hotā / (9.1) Par.?
sa me devayajanaṃ dadātu / (9.2) Par.?
hotar devayajanaṃ me dehīty uccaiḥ / (9.3) Par.?
ādityo me 'dhvaryuḥ / (9.4) Par.?
sa me devayajanaṃ dadātu / (9.5) Par.?
adhvaryo devayajanaṃ me dehīty uccaiḥ / (9.6) Par.?
candramā me brahmā / (9.7) Par.?
sa me devayajanaṃ dadātu / (9.8) Par.?
brahman devayajanaṃ me dehīty uccaiḥ / (9.9) Par.?
parjanyo ma udgātā / (9.10) Par.?
sa me devayajanaṃ dadātu / (9.11) Par.?
udgātar devayajanaṃ me dehīty uccaiḥ / (9.12) Par.?
ākāśo me sadasyaḥ / (9.13) Par.?
sa me devayajanaṃ dadātu / (9.14) Par.?
sadasya devayajanaṃ me dehīty uccaiḥ / (9.15) Par.?
āpo me hotrāśaṃsinaḥ / (9.16) Par.?
te me devayajanaṃ dadatu / (9.17) Par.?
hotrāśaṃsino devayajanaṃ me dattety uccaiḥ / (9.18) Par.?
raśmayo me camasādhvaryavaḥ / (9.19) Par.?
te me devayajanaṃ dadatu / (9.20) Par.?
camasādhvaryavo devayajanaṃ me dattety uccaiḥ // (9.21) Par.?
tā vā etā devatā ṛtvijām eva vāgbhir devayajanaṃ dadati / (10.1) Par.?
sa datte yajate // (10.2) Par.?
Caland, Henry ﾧ9
yad unnataṃ bhūmyā anūṣaraṃ yatra bahulā oṣadhayaś cātvālasāriṇyo yatrāpaḥ syus tasya nu puraḥ // (11.1) Par.?
tasya na purastād devayajanamātram atiśiṣyād yāvāñchamyāprāsaḥ // (12.1) Par.?
aparapuruṣā hāsmācchreyāṃso bhavanti yasyaivam atirecayanti // (13.1) Par.?
kāmaṃ dakṣiṇata āgāmukā hainaṃ dakṣiṇā bhavanti // (14.1) Par.?
kāmaṃ paścād aparapuruṣā hāsmācchreyāṃso bhavanti // (15.1) Par.?
kāmam uttarata uttarā hainaṃ devayajyopanāmukā bhavati / (16.1) Par.?
uttarottaraṇī hāsya śrīr bhavati // (16.2) Par.?
yasya purastāt trīṇi jyotīṃṣi dṛśyeran / (17.1) Par.?
agnir āpa ādityas tad devayajanaṃ tat triśukriyam // (17.2) Par.?
purastāccitraṃ devayajanam // (18.1) Par.?
paścāccitraṃ śmaśānakaraṇam // (19.1) Par.?
prāgudakpravaṇaṃ devayajanam // (20.1) Par.?
paścāddakṣiṇāpravaṇaṃ śmaśānakaraṇam // (21.1) Par.?
yathā vai dakṣiṇaḥ pāṇir evaṃ devayajanam // (22.1) Par.?
yathā savyas tathā śmaśānakaraṇam // (23.1) Par.?
yathā śmaśānakaraṇaṃ tathābhicaraṇīyānāṃ devayajanam // (24.1) Par.?
apy u haika evam āhur yasminn eva kasmiṃścid deśe śraddadhāno yajata ṛdhnoty eveti // (25.1) Par.?
Duration=0.13319396972656 secs.