Texts

Help

Select a text:
Bibliography

Select a chapter:
(no revisions)

Associated topic(s): sacrificial post, yūpa

Show parallels Show headlines
Use dependency labeler

Chapter id: 16660

Click on a sentence to show its analysis
Keep the mouse pointer over a lemma to show its meanings.

yūpaṃ karoti sakṣīraṃ sthūlaṃ mūle bālāgram anurūpam // (1.1) Par.?

vajro vai yūpo vajreṇaivāsmai bhrātṛvyaṃ praharati // (2.1) Par.?

aṣṭāśrīḥ karoti // (3.1) Par.?

daśa diśaḥ parigṛhṇāti / (4.1) Par.?

ubhayataḥ pāṅkte dve yūpe karoti // (4.2) Par.?

pañcadaśasaptadaśaikaviṃśatyaratniṃ vā // (5.1) Par.?

pālāśaṃ puṣṭikāmasya / (6.1) Par.?

bailvaṃ brahmavarcasakāmasya / (6.2) Par.?

audumbaram annādyakāmasya / (6.3) Par.?

khādiraṃ balakāmasya / (6.4) Par.?

vaibhītakarājavṛkṣau bhrātṛvyavataḥ / (6.5) Par.?

kramukāśvatthapāṣāṇāḥ yaśaskāmasya / (6.6) Par.?

yat kiṃca yajñiyaṃ paśukāmasya // (6.7) Par.?

tatra varjanīyā bhavanti / (7.1) Par.?

gaḍulo vraṇilo vyāvṛttaḥ kuṭhiḥ kubjaḥ śūlo dagdhaḥ śuṣkaḥ suṣiro ghuṇajagdha ity apraśastāḥ // (7.2) Par.?

atha praśastāḥ / (8.1) Par.?

śuddhāvartā anupūrvasamāḥ praśastāḥ // (8.2) Par.?

yūpasyāśridaivatāni / (9.1) Par.?

agniḥ pūrvāyām / (9.2) Par.?

yamo dakṣiṇāyām / (9.3) Par.?

varuṇaḥ paścimāyām / (9.4) Par.?

soma uttarāyām / (9.5) Par.?

yā vidiśas tāsv ādityarudramarudvasavaḥ / (9.6) Par.?

aparājitāḥ pitaraś cādharāyām / (9.7) Par.?

sādhyāś cordhvāyām // (9.8) Par.?

sarvadevatyo vai yūpaḥ / (10.1) Par.?

yūpo vai bahurūpaḥ vajrībhūtvā devān upatiṣṭhate // (10.2) Par.?

te devāḥ prajāpatim upādhāvan / (11.1) Par.?

yūpena praharanty āropayanty āyodhayanti ca / (11.2) Par.?

tad yūpasya yūpatvam // (11.3) Par.?

mūlam aratniṃ satvacaṃ nikhanet // (12.1) Par.?

tasya yan naikhānyaṃ tat pitṝṇām / (13.1) Par.?

yad ūrdhvaṃ tan manuṣyāṇām yat tadadho raśanāyā oṣadhivanaspatīnām / (13.2) Par.?

yad ūrdhvaṃ raśanāyās tad viśveṣāṃ devānām // (13.3) Par.?

āplāvayanty alaṃkurvanty ahatena vasanenācchādayanti ca // (14.1) Par.?

tad gandharvāpsarasām // (15.1) Par.?

indrasya caṣālam / (16.1) Par.?

yad ūrdhvaṃ caṣālasyāṅgulamātraṃ kāryaṃ tat sādhyānāṃ devānām // (16.2) Par.?

prācīṃ saṃnamaty etad vai viṣṇoḥ paramaṃ padam // (17.1) Par.?

tasyartavaḥ śarīram / (18.1) Par.?

śiraḥ saṃvatsaraḥ / (18.2) Par.?

vedā rūpāṇi / (18.3) Par.?

saṃvatsara eva pratitiṣṭhati / (18.4) Par.?

ya evaṃ veda // (18.5) Par.?

Duration=0.086222887039185 secs.