Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 16667

Click on a sentence to show its analysis
Keep the mouse pointer over a lemma to show its meanings.

atha yatra hotur abhijānāty abhūd uṣā ruśatpaśur āgnir adhāyy ṛtviyaḥ / (1.1) Par.?

ayoji vāṃ vṛṣaṇvasū ratho dasrāv amartyo mādhvī mama śrutaṃ havam iti tat pracaraṇyāṃ sruci caturgṛhītaṃ gṛhītvāhavanīye juhoty anvārabdhe yajamāne śṛṇotv agniḥ samidhā havaṃ me śṛṇvantv āpo dhiṣaṇāś ca devīḥ / (1.2) Par.?

śṛṇota grāvāṇo viduṣo nu yajñaṃ śṛṇotu devaḥ savitā havaṃ me svāheti // (1.3) Par.?

aparaṃ caturgṛhītaṃ gṛhītvā barhir ādāya saṃpraiṣam āhāpa iṣya hotar maitrāvaruṇasya camasādhvaryav ādravaikadhanina eta neṣṭaḥ patnīm udānayāgnīddhotṛcamasena ca mā vasatīvarībhiś ca cātvāle pratyupalambasveti // (2) Par.?

yathāsaṃpraiṣaṃ te kurvanti // (3) Par.?

ānayati neṣṭā patnīṃ pānnejanaṃ kalaśam ādāya prehy udehīty etena nigadena // (4) Par.?

athaināṃ pūrvayā dvāropaniṣkramayyottareṇa sadaḥ parītyottareṇāgnīdhrīyaṃ dhiṣṇiyaṃ paryāṇīyāntareṇa cātvālotkarāv udaṅṅ upaniṣkramya yatrāpas tad yanti // (5) Par.?

athāpsu barhiḥ prāsyābhijuhoti devīr āpo apāṃ napād ya ūrmir haviṣya indriyāvān madintamas taṃ devebhyo devatrā dhatta śukraṃ śukrapebhyo yeṣāṃ bhāga stha svāheti // (6) Par.?

maitrāvaruṇacamasenāhutim apaplāvayati kārṣir asy apāpāṃ mṛdhram iti // (7) Par.?

barhiṣī antardhāyonnayati samudrasya vo 'kṣityā unnaya iti // (8) Par.?

athaikadhanān gṛhṇātīndrāya vo juṣṭān gṛhṇāmīti vā tūṣṇīṃ vā // (9) Par.?

atha pannejanīr gṛhṇāti vasubhyo rudrebhya ādityebhyo viśvebhyo devebhyaḥ pannejanīr gṛhṇāmi yajñāya vaḥ pannejanīr gṛhṇāmīti // (10) Par.?

tāḥ patnyai sampradāyodāyanti // (11) Par.?

anvārabdhe yajamāna etenaiva yathetam etya cātvāle hotṛcamasaṃ ca maitrāvaruṇacamasaṃ ca saṃsparśya vasatīvarīr vyānayati // (12) Par.?

pūrayati hotṛcamasam // (13) Par.?

aptuṃ maitrāvaruṇacamase praskandayati // (14) Par.?

atha hotṛcamasaṃ vasatīvarīr maitrāvaruṇacamasam iti trayaṃ saṃnidhāya pratistomaṃ pracaraṇyā samanakti saṃ jyotiṣā jyotir aṅktāṃ saṃ śukrāḥ śukreṇa saṃ haviṣā haviḥ saṃ yajñapatir āśiṣeti // (15) Par.?

athaiṣā patny etenaiva yathetam etya jaghanena gārhapatyam aupasadāyāṃ vedyāṃ saṃspṛṣṭāḥ sādayati tūṣṇīm // (16) Par.?

Duration=0.040266036987305 secs.