Texts

athādhvaryur hotur utkāśam eti // (1) Par.?

hotādhvaryuṃ pṛcchaty adhvaryo 'ver apā3 iti // (2) Par.?

utem anaṃnamur utemāḥ paśyetītaraḥ pratyāha // (3) Par.?

atha yady agniṣṭomo juhoti yam agne pṛtsu martyam āvo vājeṣu yaṃ junāḥ / (4.1) Par.?

sa yantā śaśvatīr iṣaḥ svāheti // (4.2) Par.?

atha yady ukthya etenaiva yajuṣā madhyame paridhau nimārṣṭi // (5) Par.?

atha yady atirātra etad eva yajur vadan prapadyate // (6) Par.?

yajñakratūnāṃ vyāvṛttyā iti brāhmaṇam // (7) Par.?

athaitā hotṛcamasīyā dakṣiṇasya havirdhānasyāntareṇeṣe upātihṛtya nīḍa utsādayati // (8) Par.?

athodubjyādhavanīyaṃ sarvaśa eva maitrāvaruṇacamasīyāḥ paryasyati // (9) Par.?

tṛtīyaṃ vasatīvarīṇām avanayati // (10) Par.?

tṛtīyam ekadhanānām // (11) Par.?

puro 'kṣaṃ vasatīvarīḥ sādayati // (12) Par.?

paścād akṣam ekadhanān // (13) Par.?

athāntareṇa havirdhāne upaviśyaudumbaraṃ pātraṃ catuḥsrakti yācati // (14) Par.?

tasmin barhiṣī antardhāya prājāpatyaṃ dadhigrahaṃ gṛhṇāty upayāmagṛhīto 'si prajāpataye tvā jyotiṣmate jyotiṣmantaṃ gṛhṇāmi dakṣāya dakṣavṛdhe rātaṃ devebhyo 'gnijihvebhyas tvartāyubhya indrajyeṣṭhebhyo varuṇarājabhyo vātāpibhyaḥ parjanyātmabhya iti // (15) Par.?

apoddhṛtya barhiṣī athainam ādāyopottiṣṭhati dive tvāntarikṣāya tvā pṛthivyai tveti // (16) Par.?

pūrvayā dvāropaniṣkrāmaty apendra dviṣato mano 'pa jijyāsato jahy apa yo no 'rātīyati taṃ jahīti // (17) Par.?

etyāhavanīye juhoty anvārabdhe yajamāne prāṇāya tvāpānāya tvā vyānāya tvā sate tvāsate tvādbhyas tvauṣadhībhyo viśvebhyas tvā bhūtebhyo yataḥ prajā akhidrā ajāyanta tasmai tvā prajāpataye vibhūdāvne jyotiṣmate jyotiṣmantaṃ juhomi svāheti // (18) Par.?

athāsya saṃkṣālanam antaḥparidhi ninayati // (19) Par.?

dhenuvaraṃ vānaḍudvaraṃ vā dadyād iti ha smāha baudhāyanaḥ // (20) Par.?

dvādaśa paṣṭhauhīr ity āñjīgaviḥ // (21) Par.?

ṛṣabham iti kātyaḥ // (22) Par.?

maṇikuṇḍalam iti rāthītaraḥ // (23) Par.?