Texts

athaitā hotṛcamasīyā dakṣiṇasya havirdhānasyāntareṇeṣe upāvahṛtya carmaṇi nidadhāti // (1) Par.?

tāsu nigrābhyāsu yajamānaṃ vācayati nigrābhyā stha devaśruta āyur me tarpayateti pratipadya gaṇā me mā vitṛṣann ity ātaḥ // (2) Par.?

tā yajamānāya sampradāyāthaiteṣāṃ grāvṇāṃ yaḥ sujantur iva tam ādatte devasya tvā savituḥ prasave 'śvinor bāhubhyāṃ pūṣṇo hastābhyām ādada iti // (3) Par.?

ādāyābhimantrayate grāvāsy adhvarakṛd devebhyo gambhīram imam adhvaraṃ kṛdhy uttamena pavinendrāya somaṃ suṣutaṃ madhumantaṃ payasvantaṃ vṛṣṭivanim iti // (4) Par.?

athainaṃ prāñcaṃ praśritya visrasya rājānaṃ grāvāṇam upāṃśusavanam abhimimīta indrāya tvā vṛtraghna indrāya tvā vṛtratura indrāya tvābhimātighna indrāya tvādityavata indrāya tvā viśvadevyāvata iti // (5) Par.?

pañcakṛtvo yajuṣā // (6) Par.?

pañcakṛtvas tūṣṇīm // (7) Par.?

daśakṛtvo mimāno 'rdhavelāṃ rājño mimīte // (8) Par.?

athātiśiṣṭaṃ rājānam uṣṇīṣeṇa vigrathya dakṣiṇasya havirdhānasyāntareṇeṣe upātihṛtya nīḍa utsādayati // (9) Par.?

atha mitaṃ rājānaṃ hotṛcamasīyābhir upasṛjati śvātrā stha vṛtraturo rādhogūrtā amṛtasya patnīs tā devīr devatremaṃ yajñaṃ dhattopahūtāḥ somasya pibatopahūto yuṣmākaṃ somaḥ pibatv iti // (10) Par.?

athainaṃ saṃprayauti yat te soma divi jyotir yat pṛthivyāṃ yad urāv antarikṣe tenāsmai yajamānāyoru rāyā kṛdhy adhi dātre voca iti // (11) Par.?

tiraścarman phalake abhimṛśati dhiṣaṇe vīḍū satī vīḍayethām ūrjaṃ dadhāthām ūrjaṃ me dhattaṃ mā vāṃ hiṃsiṣaṃ mā mā hiṃsiṣṭam iti // (12) Par.?

atha vṛddhīr vācayaty avīvṛdhaṃ vo manasā sujātā ṛtaprajātā bhaga id vaḥ syāma / (13.1) Par.?

indreṇa devīr vīrudhaḥ saṃvidānā anu manyantāṃ savanāya somam iti // (13.2) Par.?

saṃtṛptasya rājñaḥ pratiprasthātā savye pāṇau ṣaḍ aṃśūn sacate // (14) Par.?

athaitenaiva pāṇinopāṃśupātram ādatte // (15) Par.?

athopasṛṣṭaṃ rājānam aṣṭau kṛtvo 'gre 'bhiṣuṇoti // (16) Par.?

so 'ṃśau skanne vācayaty ā māskānt saha prajayā saha rāyaspoṣeṇendriyaṃ me vīryaṃ mā nirvadhīr iti // (17) Par.?

athāñjalinopahanti tūṣṇīm // (18) Par.?

antardadhāti pratiprasthātā // (19) Par.?

prathamābhyām aṃśubhyām ānayaty adhvaryur vācaspataye pavasva vājinn iti // (20) Par.?

sacata etāv aṃśū // (21) Par.?

tathopasṛṣṭaṃ rājānam ekādaśakṛtvo dvitīyam abhiṣuṇoti // (22) Par.?

nātrāṃśau skanne vācayati // (23) Par.?

tathāñjalinopahanti tūṣṇīm eva // (24) Par.?

antardadhāti pratiprasthātā // (25) Par.?

madhyamābhyām aṃśubhyām ānayaty adhvaryur vṛṣā vṛṣṇo aṃśubhyāṃ gabhastipūta iti // (26) Par.?

sacata etāv aṃśū // (27) Par.?

tathaivopasṛṣṭaṃ rājānaṃ dvādaśakṛtvas tṛtīyam abhiṣuṇoti // (28) Par.?

naivātrāṃśau skanne vācayati // (29) Par.?

tathaivāñjalinopahanti tūṣṇīm eva // (30) Par.?

antardadhāti pratiprasthātā // (31) Par.?

uttamābhyām aṃśubhyām ānayaty adhvaryur devo devānāṃ pavitram asi yeṣāṃ bhāgo 'si tebhyas tveti // (32) Par.?

sacata etāv aṃśū // (33) Par.?

athainam upāṃśusavanaṃ daśāpavitreṇa parimṛjya pūrvārdhe kharasya dakṣiṇāśirasaṃ nidadhāti // (34) Par.?

atha pratiprasthātur graham ādatte svāṃkṛto 'sīti // (35) Par.?

graham apayacchati // (36) Par.?

athainam avekṣate madhumatīr na iṣas kṛdhīti // (37) Par.?

athainam ūrdhvam unmārṣṭi viśvebhyas tvendriyebhyo divyebhyaḥ pārthivebhya iti // (38) Par.?

athainam ādāyopottiṣṭhati manas tvāṣṭv iti // (39) Par.?

aity urv antarikṣam anvihīti // (40) Par.?

etyāhavanīye juhoty anvārabdhe yajamāne svāhā tvā subhavaḥ sūryāya svāheti // (41) Par.?

hutvānuprāṇiti // (42) Par.?

vācayati bhūr asi śreṣṭho raśmīnāṃ prāṇapāḥ prāṇaṃ me pāhīti // (43) Par.?

athainam avācīnam avamṛjya pratīcā nīcā pāṇinā madhyame paridhau nimārṣṭi devebhyas tvā marīcipebhya iti // (44) Par.?

atha pradakṣiṇam āvṛtyāgrayaṇasthālyāṃ grahasya saṃsrāvam avanayaty eṣa te yonir iti // (45) Par.?

athaitasminn upāṃśupātre 'ṃśuṃ prāsyati // (46) Par.?

athainaṃ dakṣiṇata upāṃśusavanena saṃspṛṣṭaṃ sādayati prāṇāya tveti // (47) Par.?

vyānāya tvety upāṃśusavanaṃ pratyabhimṛśate // (48) Par.?