Texts

hiṃ hiṃ hiṃ somaḥ pavate somaḥ pavate somaḥ pavate 'smai brahmaṇe pavate 'smai kṣatrāya pavate 'syai viśe pavata iṣe pavata ūrje pavate 'dbhyaḥ pavata oṣadhībhyaḥ pavate vanaspatibhyaḥ pavate dyāvāpṛthivībhyāṃ pavate subhūtāya pavate brahmavarcasāya pavate 'smai sunvate yajamānāya pavate mahyam ity upāṃśūktvā jyaiṣṭhyāya pavata ity uccaiḥ // (1) Par.?

athainam adhivadata āgrayaṇo 'si svāgrayaṇo jinva yajñaṃ jinva yajñapatim abhi savanā pāhi viṣṇus tvāṃ pātu viśaṃ tvaṃ pāhīndriyeṇeti // (2) Par.?

parimṛjya sādayaty eṣa te yonir viśvebhyas tvā devebhya iti // (3) Par.?

upabdimato 'ta ūrdhvaṃ grahān gṛhṇāti triṃśat trayaś ca gaṇino rujanta iti // (4) Par.?

rugṇavatyarcā bhrātṛvyato gṛhṇīyād iti brāhmaṇam // (5) Par.?

athādatta ukthyasthālīm // (6) Par.?

tayā gṛhṇāty atipavamānasya rājña upayāmagṛhīto 'sīndrāya tvā bṛhadvate vayasvata ukthāyuve yat ta indra bṛhad vayas tasmai tvā juṣṭaṃ gṛhṇāmīti // (7) Par.?

parimṛjya sādayaty eṣa te yonir indrāya tvokthāyuva iti // (8) Par.?

athādatte dhruvasthālīm // (9) Par.?

sa āha ye pūrvayā dvārā prāpatsata prāñcas te niṣkrāmantu ye 'parayā pratyañcas te mā vo 'bhiparihāriṣam iti // (10) Par.?

jaghanenābhiṣotṝn sonnetṛkān abhiparihṛtyottarata upayacchati mūrdhānaṃ divo aratiṃ pṛthivyā ity anudrutyopayāmagṛhīto 'sy agnaye tvā vaiśvānarāya juṣṭaṃ gṛhṇāmīti // (11) Par.?

athainam adhivadate dhruvo 'si dhruvakṣitir dhruvāṇāṃ dhruvatamo 'cyutānām acyutakṣittama iti // (12) Par.?

athainad yathāhṛtaṃ pratiparyāhṛtyottarasya havirdhānasyāgreṇopastambhanam anupopte sādayaty eṣa te yonir agnaye tvā vaiśvānarāyeti // (13) Par.?

dhruveṇa rājānaṃ paridadhāti // (14) Par.?

athoparyardhe droṇakalaśe pariplupātraṃ prāsya drapsān anumantrayate drapsaś caskanda yas te drapso yo drapso yas te drapsa iti // (15) Par.?

athonnetāram āhāriktaṃ pūtabhṛtaṃ kuru pavamānasya grahān grahīṣyāmīti // (16) Par.?

tac chrutvonnetā pūtabhṛto bile pavitraṃ vitatya dvau vā trīn vā rājña udacanān ānayati // (17) Par.?

athārikte pūtabhṛti pavamānasya grahān gṛhṇāty upayāmagṛhīto 'si prajāpataye tveti droṇakalaśam abhimṛśati // (18) Par.?

indrāya tvety ādhavanīyam // (19) Par.?

viśvebhyas tvā devebhya iti pūtabhṛtam // (20) Par.?

athonnetar ity āha prāñcaṃ rājānaṃ pūtabhṛtam abhi saṃpavayatād daśābhir ādhavanīyaṃ mṛṣṭvā nyubjatād iti // (21) Par.?

sa tathā karoti // (22) Par.?

athāpa upaspṛśya barhiṣī ādāyopaniḥsarpati // (23) Par.?

taṃ niḥsarpantam anvārabhata udgātā // (24) Par.?

udgātāraṃ prastotā // (25) Par.?

prastotāraṃ pratihartā // (26) Par.?

pratihartāraṃ yajamānaḥ // (27) Par.?

yajamānaṃ brahmā // (28) Par.?

pratiprasthātā saptamaḥ sarpati // (29) Par.?

teṣu samanvārabdheṣv āhavanīye sruvāhutiṃ juhoti // (30) Par.?