Texts

acchāvākasya camasam anūnnayadhvam unnetaḥ sarvaśa eva rājānam unnaya mātirīricaḥ pratiprasthātar upaitena graheṇa ramaihi yajamāneti // (1) Par.?

pūrvayā dvārā havirdhānaṃ prapādyāthaitac carma phalakayoḥ prācīnagrīvam uttaralomopastṛṇāti yajña pratitiṣṭheti vā tūṣṇīṃ vā // (2) Par.?

tasmin saṃmukhān grāvṇaḥ kṛtvā dakṣiṇasya havirdhānasyāntareṇeṣe rājānam upāvaharati hṛde tvā manase tvā soma rājann ehy avaroheti dvābhyām // (3) Par.?

athainam udgātṛbhyaḥ prāhuḥ // (4) Par.?

tasmiṃs tac ceṣṭanti yat te viduḥ // (5) Par.?

athodubjyādhavanīyam ardhaṃ vasatīvarīṇām avanayati // (6) Par.?

ardham ekadhanānām // (7) Par.?

puro 'kṣaṃ vasatīvarīḥ sādayati // (8) Par.?

paścād akṣam ekadhanān // (9) Par.?

acchāvākacamasam eva prathamam unnayanti // (10) Par.?

yathopapādam itarān // (11) Par.?

sarvaśa eva rājānaṃ samunnīyottaravedyāṃ saṃsādayanti // (12) Par.?

athādatta ukthyasthālyā aupaśayaṃ pātram // (13) Par.?

tasminn etaṃ sarvaśa eva rājānaṃ gṛhṇāti ya ukthyasthālyāṃ bhavaty upayāmagṛhīto 'si devebhyas tvā devāyuvam ukthyebhya ukthāyuvaṃ yajñasyāyuṣa indrāgnibhyāṃ tvā juṣṭaṃ gṛhṇāmīti // (14) Par.?

nātra punar havir asīty ukthyasthālīṃ pratyabhimṛśati // (15) Par.?

daśābhir evaināṃ mṛṣṭvā nyubjati // (16) Par.?

parimṛjya sādayaty eṣa te yonir indrāgnibhyāṃ tveti // (17) Par.?

athāpa upaspṛśya barhiṣī ādāya vācaṃyamaḥ pratyaṅ drutvā stotram upākaroti // (18) Par.?

stuvate // (19) Par.?

acchāvākāya eṣottameti prāhuḥ // (20) Par.?

acchāvākasya kālāt parāṅ āvartate pratiprasthātā // (21) Par.?

abhy enam āhvayate 'cchāvākaḥ // (22) Par.?

pratyāhvayate pratiprasthātā // (23) Par.?

śaṃsati // (24) Par.?

pratigṛṇāti // (25) Par.?

prasiddham ukthaṃ pratigīrya prāṅ etyodyacchata etaṃ graham // (26) Par.?

anūdyacchante camasān // (27) Par.?

athāśrāvayaty o śrāvayāstu śrauṣaḍ ukthaśā yaja somānām iti // (28) Par.?

vaṣaṭkṛtānuvaṣaṭkṛte dvir juhoti // (29) Par.?

tathaiva dvirdviḥ sarvāṃś camasāñ juhvati // (30) Par.?

atha pradakṣiṇam āvṛtyācchāvākasya camase grahasya saṃsrāvam avanayati hutaṃ tvā hute 'vanayāmy ūrjasvantaṃ devebhyo madhumantaṃ manuṣyebhya iti vā tūṣṇīṃ vā // (31) Par.?

atraivaitat pātram upanidhāya bhakṣaiḥ pratyañca ādravanti // (32) Par.?

anusavanabhakṣa indrāgnibhyāṃ pītasyeti // (33) Par.?

acchāvākacamasam evaite trayaḥ samupahūya bhakṣayanti // (34) Par.?

yathācamasaṃ camasān // (35) Par.?

hinva ma ity ātmānaṃ pratyabhimṛśante // (36) Par.?

nāpyāyayanti camasān // (37) Par.?

sarvabhakṣā mārjayante // (38) Par.?

athokthaśā ity āha // (39) Par.?

prātaḥsavanaṃ pratigīrya praśāstaḥ prasuhīti // (40) Par.?

sarpatety āha praśāstā // (41) Par.?

saṃtiṣṭhate prātaḥsavanam // (42) Par.?