Texts

Help

Select a text:
Bibliography
Select a chapter:
 (no revisions)
Associated topic(s): darśapūrṇamāsa iṣṭi, full-moon sacrifice

Show parallels  Show headlines
Use dependency labeler
Chapter id: 16720
  • Click on a sentence to show its analysis
  • Keep the mouse pointer over a lemma to show its meanings.
yadi sāṃnāyyasyājyasya vānyatra barhiṣaḥ purottamāt prayājāt skandet saṃ tvā siñcāmīti tasya svayaṃ saṃbhṛtya bhūpataye svāheti tribhiḥ skannam anumantrayate // (1) Par.?
adhvaryuyajamānāv ājyam asīti nimīlya vīkṣyānucchūsantāv ājyam avekṣete // (2) Par.?
śukram asīti tribhir udagagrābhyāṃ pavitrābhyām adhvaryuḥ punarāhāram ājyaṃ trir utpunāti // (3) Par.?
devo va iti triḥ prokṣaṇīr adbhir ājyam iti yajamāna ājyam apaś cotpūyamānā anumantrayate // (4) Par.?
adhvaryur antarvedi samaṃbilaṃ juhūṃ dhārayamāṇa ājyasthālyā vedenopayamya sruveṇa śukraṃ tvā śukrāyām iti catuḥ pañcakṛtvo vā juhvāṃ prabhūtam ājyaṃ gṛhṇāti // (5) Par.?
pañcānāṃ tvā vātānām iti catuḥ pañcakṛtvo vā yajamāno japati // (6) Par.?
adhvaryur jyotis tvā jyotiṣi dhāmne dhāmna iti madhyadeśe dhārayamāṇa upabhṛty aṣṭau daśakṛtvo vālpiṣṭhaṃ gṛhṇāti // (7) Par.?
pañcānāṃ tvartūṇām iti trīn yajamāno japati pañcānāṃ tvā salilānāṃ pañcānāṃ tvā pṛṣṭhānām iti ca dvau caros tvā pañcabilasyeti pañca // (8) Par.?
adhvaryur arcis tvārciṣīti catuḥ pañcakṛtvo vā bhūmau pratiṣṭhitāyāṃ dhruvāyāṃ bhūyiṣṭhaṃ gṛhṇāti // (9) Par.?
suprajāstvāya tvā gṛhṇāmīti catuḥ pañca vā yajamāno japati // (10) Par.?
Duration=0.20589804649353 secs.