Texts

Help

Select a text:
Bibliography

Select a chapter:
(no revisions)

Associated topic(s): darśapūrṇamāsa iṣṭi, full-moon sacrifice

Show parallels Show headlines
Use dependency labeler

Chapter id: 16728

Click on a sentence to show its analysis
Keep the mouse pointer over a lemma to show its meanings.

syono me sīdāyaṃ sruva iti dvābhyāṃ sruvaṃ yajamānaḥ // (1) Par.?

iyaṃ sthālīty adhvaryur ājyasthālīṃ sādayati // (2) Par.?

tayaiva yajamānaḥ // (3) Par.?

etā asadann ity adhvaryuḥ sannāḥ sruco 'bhimantrayate viṣṇūni sthety ājyāni ca // (4) Par.?

atha sasruvām ājyasthālīm ādāya savyena vedam apareṇa gārhapatyam upaviśya kapālavadvedena dakṣiṇasmāt puroḍāśād aṅgārān apohyottarasmād apohati // (5) Par.?

sūrya jyotir iti puroḍāśam abhimantryāpyāyatāṃ ghṛtayonir ity āgneyaṃ puroḍāśam abhighārayati tūṣṇīm uttaraṃ yas ta ātmeti śṛtam // (6) Par.?

syonaṃ te sadanaṃ karomīti pātryām upastīryārdraḥ prathasnur iti puroḍāśam abhindann aparyāvartayann udvāsayati // (7) Par.?

vedena bhasma pramṛjya tasmin sīdeti pātryām upastīrṇe puroḍāśaṃ nidadhāti // (8) Par.?

tūṣṇīṃ yavamayaṃ puroḍāśam // (9) Par.?

irā bhūtiḥ pṛthivyai raso motkramīd iti kapālāny ekaikaśo 'bhighāryaikaṃ dve trīṇītyādibhiḥ saṃkhyāyodvāsayati śṛtaṃ ca dadhi ca // (10) Par.?

devas tvā savitā madhvānaktv iti sruveṇa puroḍāśaṃ sarvato 'nakti // (11) Par.?

sruveṇa hasta ājyam avadāya puroḍāśam adhastād abhyajyālaṃkaroty ājyena śṛtaṃ ca dadhi ca // (12) Par.?

Duration=0.11756992340088 secs.