Texts

ā samudrād āntarikṣāt prajāpatir udadhiṃ cyāvayātīndraḥ prasnautu maruto varṣayantūnnambhaya pṛthivīṃ bhinddhīdaṃ divyaṃ nabhaḥ / (1.1) Par.?

udno divyasya no dehīśāno visṛjā dṛtim iti // (1.2) Par.?

athainam upāṃśusavanaṃ daśāpavitreṇa parimṛjya grāvasv apisṛjati // (2) Par.?

vivṛṇvanti pūrvāṃ dvāram aparāṃ ca // (3) Par.?

athaitaṃ grahaṃ barhirhastenāpidhāyopottiṣṭhann āhādityebhyaḥ priyebhyaḥ priyadhāmabhyaḥ priyavratebhyo mahasvasarasya patibhya uror antarikṣasyādhyakṣebhyo 'nubrūhīti // (4) Par.?

atyākramyāśrāvyāhādityebhyaḥ priyebhyaḥ priyadhāmabhyaḥ priyavratebhyo mahasvasarasya patibhya uror antarikṣasyādhyakṣebhyaḥ preṣyeti // (5) Par.?

vaṣaṭkṛta oṣadhīḥ prāsyāgnāv ādityaṃ juhoti sakṛd eva // (6) Par.?

na hutvānvīkṣate // (7) Par.?

paryāvṛttasyaiva pratiprasthātā pātram ādatte // (8) Par.?

etasmin kāle pratihartā pūtabhṛto bile pavitraṃ vitatya dvau vā trīn vā rājña udacanān ānayati // (9) Par.?

āgrayaṇam evādhvaryur ādatte // (10) Par.?

ādityasthālīṃ pratiprasthātā sopaśayāṃ sampragṛhṇāti // (11) Par.?

tāsāṃ tisṛṇāṃ catasṛṇāṃ vā dhārāṇāṃ tathopariṣṭād āgrayaṇam ānīyādhastād upagṛhṇāti // (12) Par.?

taṃ tathaiva trir abhihiṅkṛtya parimṛjya sādayati // (13) Par.?

apoddhṛtya pavitraṃ barhiṣī antardhāyāśiram avanayaty anvārabdhāyāṃ patnyām asme devāso vapuṣe cikitsateti catasṛbhir anucchandasam // (14) Par.?

apoddhṛtya barhiṣī pūtabhṛto bile drapsān anumantrayate // (15) Par.?

dvau pavamānasya grahau gṛhṇāti // (16) Par.?

tathonnetar ity āha prāñcaṃ rājānaṃ pūtabhṛtam abhi saṃpavayatād daśābhir ādhavanīyaṃ mṛṣṭvā nyubjatād iti // (17) Par.?

sa tathā karoti // (18) Par.?

tathāpa upaspṛśya barhiṣī ādāyopaniḥsarpati // (19) Par.?

teṣu tathaiva samanvārabdheṣv āhavanīye sruvāhutiṃ juhoti // (20) Par.?