Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 16757
  • Click on a sentence to show its analysis
  • Keep the mouse pointer over a lemma to show its meanings.
anv agnir uṣasām iti gārhapatye 'gnipraṇayanīyān idhmān ādīpyāśvaṃ purastāt sthāpayati // (1) Par.?
ojase balāya tvodyacche yas ta ātmā divaḥ pṛthivyā ud u tvā viśve devā iti catasṛbhir gārhapatyād āhavanīyaṃ śarāva uddhṛtya taṃ sikatāpūritena pātreṇopayamya jānudaghna udyacchati // (2) Par.?
tasmin dhāryamāṇe vāmadevye gīyamāne laukikaṃ mathitaṃ vāgnim āhṛtya dakṣiṇayā dvārordhvajānur upaviśyāgnīdhro dvitīyayā vyāhṛtyā yatharṣyādhānenāyaṃ gauḥ pṛśnir akramīt triṃśaddhāmeti dvitīyatṛtīyābhyāṃ sarparājñībhyāṃ vātaḥ prāṇa iti dvitīyena ca gharmaśirasā yās te śivās tanuvo vyānaṃ tvāmṛte divas tvā vīryeṇāgne 'nnapā mayobhuveti saṃbhāreṣv anvāhāryapacanam ādadhāti // (3) Par.?
gārhapatyād agnim āhṛtyety eke // (4) Par.?
vyākhyāto bījahomo yajamānasya copasthānaṃ // (5) Par.?
yā vājinn agner ity agnitanūr aśvasya dakṣiṇe karṇe yajamānaṃ vācayati // (6) Par.?
vikramasva mahāṁ asi prācīm anu pradiśaṃ kramadhvam agnineti tisṛbhir aśvamukhāḥ prācīṃ gacchanti // (7) Par.?
iyaty agre 'gniṃ haraty atha madhyato nābhidaghne tṛtīyam āsyadaghne // (8) Par.?
nāgnim ādityaṃ ca vyavaiti // (9) Par.?
imā u mām ity ardhādhve hriyamāṇaṃ yajamāna upasthāya varaṃ dadyāt // (10) Par.?
tasminn adhvaryur nāko 'sīti hiraṇyaṃ nidhāyātikrāmati // (11) Par.?
bṛhaspate paridīyeti dakṣiṇato brahmā rathaṃ rathacakraṃ vā gārhapatyād āhavanīyāt saṃtataṃ triḥ parivartayati // (12) Par.?
yāvat triḥ parivartayati tāvad abhy asthād iti prāñcaṃ pūrvavāham aśvaṃ dakṣiṇena pādenottarapārśvataḥ saṃbhārān ākramayati // (13) Par.?
Duration=0.036065101623535 secs.