Texts

sādyaskreṣv agnīṣomīyāyām iṣṭau vapākālājyabhāgayor hutayoḥ saṃsthitāyāṃ vetyeke // (1) Par.?

luptā tvadhikaraṇāpāyāt // (2) Par.?

agniṣṭutsvāgneyo nigadaḥ // (3) Par.?

tatra gautamīyam // (4) Par.?

agna āgaccha rohitābhyāṃ bṛhadbhāno dhūmaketo jātavedo vicarṣaṇa āṅgirasabrāhmaṇāṅgirasabruvāṇeti prāk sutyādeśāt // (5) Par.?

devānāṃ sthāne 'gnayaḥ // (6) Par.?

atha dhānañjayyo 'gna āgaccha rohitava āgaccha bharadvājasyāja sahasaḥ sūno vārāvaskandinnuṣaso jāreti // (7) Par.?

āṅgirasaprabhṛti samānam // (8) Par.?

indraṃ śakreti brūyād viśva iti devān anirukteṣu // (9) Par.?

aniruktaṃ prātaḥsavanayośca // (10) Par.?

abhiṣecanīyadaśapeyāvantareṇa sadā nāmagrāhaḥ // (11) Par.?

ahargaṇeṣv aharādyantayor āhvayet // (12) Par.?

uttarārthāharantikī // (13) Par.?

agnīṣomīyaprabhṛtyahīneṣu sarvāḥ sanāmagrāhāḥ // (14) Par.?

dīkṣānupūrveṇa dīkṣitānāṃ satreṣu nāmagrāhaḥ // (15) Par.?

ūrdhvam atirātrād agrahaṇam // (16) Par.?

tasyānte śvaḥsutyā gautamasya // (17) Par.?

nārmedhānta eke // (18) Par.?

adyasutyā śāṇḍilyasya // (19) Par.?

anāhvānaṃ dhānañjayyaḥ // (20) Par.?

tisṛṣu cottamāsu nāmagrāhaḥ // (21) Par.?

uttamayoriti gautamaḥ // (22) Par.?

tathā saty agnīṣomīyavapāyām agrahaṇaṃ dhānaṃjayyaḥ // (23) Par.?

anāhvānaṃ vā // (24) Par.?

sarvatra satreṣv agrahaṇaṃ śāṇḍilyaḥ // (25) Par.?

ūrdhvam atirātrād āgneyy ekā dvitīye pañcadaśarātre dve vā // (26) Par.?

sarvāḥ prāk trikadrukebhyastṛtīye // (27) Par.?

kauṇḍapāyinatāpaścitayor dvādaśāhe sutyeti viditvā parimāṇāhvānaṃ dhānañjayyaḥ / (28.1) Par.?

sutyām āgacchetītarāḥ // (28.2) Par.?

ūrdhvaṃ cātirātrāt prathamasya sārasvatasya prāk śvaḥsutyāyāḥ // (29) Par.?

kauṇḍapāyinasārasvatayor iṣṭyayaneṣu sutyāvacchāṇḍilyaḥ // (30) Par.?

tathāgnihotramāse tathāgnihotramāse // (31) Par.?