Texts

punar agnyādheyasyādhānena kalpo vyākhyātaḥ // (1) Par.?

agniṣv āhiteṣu yo 'smin saṃvatsare bandhujyāniṃ putrajyāniṃ vābhyeti na vardhate svenāṅgena vā vyṛdhyate sa udvāsya punar ādadhīta // (2) Par.?

darśena pūrṇamāsena veṣṭvāgneyam aṣṭākapālaṃ vaiśvānaraṃ dvādaśakapālam agnim udvāsayiṣyan nirvapet // (3) Par.?

agnir mūrdhā bhuva ity āgneyasya vaiśvānaro ajījanat pṛṣṭo divīti vaiśvānarasya // (4) Par.?

yā te agne utsīdataḥ pavamānā yā te pāvakā yā te agne sūrye śucir yās te agne kāmadughā vibhaktīr yās te agne saṃbhṛtīr ye te agne vānaspatyā agann agnir iti saptāhutīḥ purastāt sviṣṭakṛta upajuhoti // (5) Par.?

siddheṣṭiḥ saṃtiṣṭhate // (6) Par.?

jvalato 'gnīn utsṛjati yāvad darśapūrṇamāsau // (7) Par.?

saṃvatsaraṃ dvādaśāhaṃ vā visṛṣṭāgnir bhavati // (8) Par.?

tadānīm evādbhir agnīn samabhyukṣya brahmaudanaṃ śrapayitvopavasati // (9) Par.?

rohiṇī punarvasū anūrādhāś ca punarādhānanakṣatrāṇi prāvṛṭcharadāv ṛtū // (10) Par.?

na saṃbhṛtyāḥ saṃbhārāḥ // (11) Par.?

saṃbhṛtyā vā // (12) Par.?

saṃbhāramantrā bhavantīty eke // (13) Par.?

yajūṃṣi na bhavantīty eke // (14) Par.?

agnyāyataneṣu saṃvatsarapravātān darbhān saṃstīrya bhūmir bhūmneti sarparājñībhir gārhapatyam ādadhāti madhyaṃdina itarān // (15) Par.?

sarvān vā madhyaṃdine // (16) Par.?

purāṇair darbhair āhavanīyaṃ śarāva uddhṛtya yat tvā kruddhaḥ parovapety anvāhāryapacanam ādadhāti yat te manyuparoptasyety āhavanīye // (17) Par.?

mano jyotir juṣatām ity āhitam upatiṣṭhate // (18) Par.?

punas tvādityā rudrā iti dvābhyām upasaminddhe // (19) Par.?

mano jyotir juṣatām ity āhutiṃ juhoti // (20) Par.?

sapta te agne samidhaḥ sapta jihvā ity agnihotraṃ juhoti // (21) Par.?

sā pūrṇāhutir bhavati // (22) Par.?