Texts

Help

Select a text:
Bibliography
Select a chapter:
 (no revisions)
Associated topic(s): sautrāmaṇī

Show parallels  Show headlines
Use dependency labeler
Chapter id: 16909
  • Click on a sentence to show its analysis
  • Keep the mouse pointer over a lemma to show its meanings.
vāyuḥ pūtaḥ pavitreṇeti somavāminaḥ somātipavitasya ca prāṅ soma iti somavāminaḥ pratyaṅ soma iti somātipavitasya // (1) Par.?
pūtāṃ surāṃ brāhmaṇasya mūrdhni khare vāsādya paśūn upākaroti // (2) Par.?
samāno yūpaḥ svaruś ca // (3) Par.?
āśvinaṃ dhūmram ajam ālabhate sārasvataṃ meṣam aindram ṛṣabhaṃ meṣaṃ vā // (4) Par.?
bārhaspatyaṃ paśuṃ caturtham atipavitasyālabhate somavāminaś ca // (5) Par.?
pāśukāni pātrāṇi saṃsṛjya juhūvad ūrdhvapātrāṇi saṃmārṣṭi // (6) Par.?
vapāsu hutāsu rukmam ṛṣabhaḥ sṛtvarī vaḍabā ca dakṣiṇā // (7) Par.?
cātvāle mārjayitvordhvapātraiḥ kuvid aṅgeti purorucam anūcyāparasmin khare surāgrahān gṛhṇāti // (8) Par.?
sarveṣāṃ grahāṇām ekā purorug yuvaṁ surāmam aśvinā putram iva pitarāv iti devatātrayavatyau yājyānuvākye bhavataḥ // (9) Par.?
upayāmagṛhīto 'sy acchidrāṃ tvācchidreṇāśvibhyāṃ juṣṭaṃ gṛhṇāmīty āśvinaṃ graham adhvaryur gṛhṇāti // (10) Par.?
upayāmagṛhīto 'sy acchidrāṃ tvācchidreṇa sarasvatyai juṣṭaṃ gṛhṇāmīti pratiprasthātā sārasvatam // (11) Par.?
upayāmagṛhīto 'sy acchidrāṃ tvācchidreṇendrāya sutrāmṇe juṣṭaṃ gṛhṇāmīti yajamāno brahmā vaindram // (12) Par.?
Duration=0.085660934448242 secs.