Texts

dvādaśaśatadakṣiṇasya krator daśabhir vā // (1) Par.?

tadā sapta gāvo hiraṇyaṃ vāso 'jā ca daśa bhavanti // (2) Par.?

bhūyasā vā // (3) Par.?

ekayaikaviṃśatidakṣiṇasya tisṛbhiḥ ṣaṣṭidakṣiṇasya // (4) Par.?

uktasaṃkhyāṃ sampādya saṃ yat te gor asme candrāṇīti somavikrayiṇo hiraṇyaṃ pratyādāya yajamānāya prayacchaty asme te bandhur iti śuklām ūrṇāstukāṃ ca // (5) Par.?

tayā yajamāno daśāpavitrasya nābhiṃ karoti // (6) Par.?

idam ahaṃ sarpāṇāṃ dandaśūkānāṃ grīvā upagrathnāmīti kṛṣṇām ūrṇastukām upagrathnāti // (7) Par.?

somavikrayiṇi tama iti tayā jalena somavikrayiṇaṃ lalāṭe vidhyati // (8) Par.?

svāna bhrājāṅghāra ity āntād anuvākasya somakrayaṇān anudiśati // (9) Par.?

mitro na ehi sumitradhā iti rājānaṃ somavikrayiṇo 'pādatta indrasyorum āviśeti yajamānasya dakṣiṇa ūrāv āsādayaty ainaṃ yajamānaḥ pratyaporṇute vayaḥ suparṇā iti // (10) Par.?

abhyukṣitam uṣṇīṣaṃ parikarmiṇe prayacchati // (11) Par.?

mitrāvaruṇayos tvā praśāstroḥ praśiṣā prayacchāmy avakro 'vidhuro bhūyāsam iti maitrāvaruṇāya dīkṣitadaṇḍaṃ prayacchati // (12) Par.?

rudras tvāvartayatv iti somakrayaṇīṃ pradakṣiṇam āvartyānyayā gavā niṣkrīya goṣṭhe yajamānasyotsṛjati // (13) Par.?

atha yajamāno rājānaṃ hastābhyām upādāya śīrṣṇi kṛtvod āyuṣety uttiṣṭhati // (14) Par.?

prāgīṣaṃ somavāhanam ano dakṣiṇata upasthitaṃ bhavati // (15) Par.?

urv antarikṣam anvihīty abhipravrajati // (16) Par.?

tasya nīḍe 'dhvaryur adityāḥ sado 'sīti prācīnagrīvaṃ kṛṣṇājinam uttaralomopastṛṇāty adityāḥ sada āsīdeti kṛṣṇājine rājānam āsādayati // (17) Par.?

astabhnād dyām ṛṣabha ity enam upatiṣṭhate // (18) Par.?

vaneṣu vy antarikṣaṃ tatāneti vāsasā paritanoti // (19) Par.?

sauryarcā purastāt kṛṣṇājinaṃ pratyānahyaty ud u tyaṃ jātavedasam ity ūrdhvagrīvaṃ bahirviśasanam // (20) Par.?

dhūr asīti dhurāv abhimṛśya vāruṇam asīti śakaṭam ākhidya varuṇas tvottabhnātv ity upastabhya varuṇasya skambhanam asīti śamyāṃ pratimucyosrāv etaṃ dhūrṣāhāv ity unnīyamānau somavāhanāv anvīkṣate // (21) Par.?