Texts

savyaṃ jānv ācyāvācīnapāṇiḥ sakṛdācchinne barhiṣi dakṣiṇāpavargān piṇḍān dadāty etat te tatāsau ye ca tvām anv ity etaiḥ pratimantram // (1) Par.?

tūṣṇīṃ caturtham // (2) Par.?

sa kṛtākṛtaḥ // (3) Par.?

prapitāmahaprabhṛtīn vā // (4) Par.?

nānāmagṛhītaṃ gacchati // (5) Par.?

yadi bandhū na vidyāt svadhā pitṛbhyaḥ pṛthiviṣadbhya iti prathamaṃ piṇḍaṃ dadyāt / (6.1) Par.?

svadhā pitṛbhyo 'ntarikṣasadbhya iti dvitīyam / (6.2) Par.?

svadhā pitṛbhyo diviṣadbhya iti tṛtīyam // (6.3) Par.?

yadi dvipitā syād ekaikasmin piṇḍe dvaudvāv upalakṣayet // (7) Par.?

yadi jīvapitā na dadyād ā homāt kṛtvā viramet // (8) Par.?

yan me mātā pramamāda yac cacārānanuvratam / (9.1) Par.?

tan me retaḥ pitā vṛṅktām ābhur anyopapadyatāṃ pitṛbhyaḥ svadhāvibhyaḥ svadhā namaḥ pitāmahebhyaḥ svadhāvibhyaḥ svadhā namaḥ prapitāmahebhyaḥ svadhāvibhyaḥ svadhā nama ity upasthāyātra pitaro yathābhāgaṃ mandadhvam ity uktvā parāṅ āvartate // (9.2) Par.?

oṣmaṇo vyāvṛta upāste // (10) Par.?

amīmadanta pitaraḥ somyā iti vyāvṛtta ūṣmaṇy abhiparyāvartate 'vyāvṛtte vā // (11) Par.?

yaḥ sthālyāṃ śeṣas tam avajighrati ye samānāḥ samanasaḥ pitaro yamarājye / (12.1) Par.?

teṣāṃ lokaḥ svadhā namo yajño deveṣu kalpatāṃ vīraṃ dhatta pitara iti // (12.2) Par.?

āmayāvinā prāśyo 'nnādyakāmena prāśyo yo 'lam annādyāya sannādyāt tena vā prāśyaḥ // (13) Par.?

pūrvavad ekasphyāyāṃ trīn udakāñjalīn upaninīyāñjanābhyañjane vāsaś ca trir anupiṇḍaṃ dadāti // (14) Par.?

āṅkṣva tatāsāv āṅkṣva pitāmahāsāv āṅkṣva prapitāmahāsāv ity āñjanam // (15) Par.?

evam abhyañjanam abhyaṅkṣveti mantraṃ saṃnamati // (16) Par.?

yadi nāmāni na vidyād āñjatāṃ mama pitara āñjatāṃ mama pitāmahā āñjatāṃ prapitāmahā ity āñjanam / (17.1) Par.?

evam abhyañjanam abhyañjatām iti mantraṃ saṃnamati // (17.2) Par.?