Texts

Select a text:
Bibliography

Select a chapter:
(no revisions)

Associated topic(s): agniṣṭoma, pravargya

Show parallels Show headlines
Use dependency labeler

Chapter id: 17007

Click on a sentence to show its analysis
Keep the mouse pointer over a lemma to show its meanings.

atha brahmā yajur yuktam ity upāṃśv anudrutyom indravantaḥ pracaratety uccaiḥ prasauti // (1) Par.?

adhvaryuḥ prasūto madantībhir yamāya tvā makhāya tveti sarvān pravargyasaṃbhārāṃs tris triḥ prokṣati yathā parān saṃbhārān abhiprāpnuyāt // (2) Par.?

prokṣitāni vyāyātayati // (3) Par.?

preṣito hotā brahma jajñānam iti pratipadyābhiṣṭuyāt // (4) Par.?

ṛgāvānaṃ praṇutya vyavasyet // (5) Par.?

āgnīdhro rauhiṇau puroḍāśāv adhiśrayati // (6) Par.?

pratiprasthātā darvihomavad ājyaṃ saṃskṛtya dadhy adhiśrayati // (7) Par.?

agreṇāhavanīyaṃ samrāḍāsandīṃ paryāhṛtya rājāsandyāḥ purastād uttarato vā nidadhāti // (8) Par.?

tasyāṃ prāggrīvaṃ kṛṣṇājinam ūrdhvalomāstṛṇāti // (9) Par.?

tasmiṃs tathottarau mahāvīrāv upaśayau nidadhāti // (10) Par.?

tāv apracaraṇīyau // (11) Par.?

sthūlaśaṅkūn vatsaśaṅkūn viśākhadāmānīty ādāyāgreṇa hotāraṃ dakṣiṇātikramya dakṣiṇayā dvāropahṛtya dakṣiṇena dakṣiṇaṃ dvāraṃ hotuḥ samīkṣāyāṃ mātuḥ śaṅkuṃ nihanti // (12) Par.?

pūrvasyā eva dvāryāyā dakṣiṇato gharmaduho vatsasyāparasyā eva dakṣiṇato 'jāyā abhyantaram uttarato barkarasya śaṅkuṃ nihatya tatra viśākhadāmāni vyāyātayaty odvāsanāt // (13) Par.?

atra kāle baddhvā duhanti // (14) Par.?

kharāṃs trīn nyupyottareṇāhavanīyaṃ taṃ dadhi śakalān upasādayati vaikaṅkatīṃ ca samidham // (15) Par.?

Duration=0.06977105140686 secs.