Texts

mā asīti prāñcāv adhvaryuḥ paridadhāti // (1) Par.?

pramā asīty udañcau pratiprasthātā // (2) Par.?

evaṃ dvau dvau pūrveṇa pūrveṇa mantreṇādhvaryuruttareṇottareṇa pratiprasthātā // (3) Par.?

antarikṣasyāntardhir asīty adhvaryur eva trayodaśaṃ dakṣiṇataḥ paridadhāti // (4) Par.?

divaṃ tapasas trāyasvety upariṣṭāt sauvarṇena rukmenāpidhāyābhir gīrbhir iti tisṛbhir upatiṣṭhate // (5) Par.?

gāyatram asīty etair ekaikaṃ dhavitrāṇy ādatte // (6) Par.?

paścāt prāṅ jānv ācya tair enaṃ madhu madhv iti trir ūrdhvam abhidhūnoti // (7) Par.?

teṣāṃ prathamaṃ svayaṃ gṛhītvā madhyamaṃ pratiprasthātre prayacchatītarad āgnīdhrāya // (8) Par.?

madhu madhv ity āgnīdhrāgrā ūrdhvaṃ dhūnvantas triḥ pradakṣiṇaṃ mahāvīraṃ pariyanti // (9) Par.?

praṇavena saṃrādhayanti yathāvakāśam upaviśya mahāvīraṃ samañjanto vāgyatā indhānā āsate // (10) Par.?

prajvalite suvarṇaṃ śatamānam apādatte // (11) Par.?

yābhir vartikāṃ grasitām amuñcatam iti hotur abhijñāya daśa prācīr daśa bhāsi dakṣiṇety anuvākenādhvaryur mahāvīram abhimantrayate // (12) Par.?

apnasvatīm aśvinā vācam asme ity abhijñāya dhavitrāṇy upodyacchante // (13) Par.?

arūrucad uṣasaḥ pṛśnir agriya ity abhijñāya rucito gharma ity uktvā yathetaṃ triḥ punaḥ pratipariyanti // (14) Par.?

dhavitrāṇi pratyādāyādhvaryur agreṇāhavanīyaṃ paryāhṛtya svāhā tvā sūryasya raśmibhya iti prātaḥ samrāḍāsandyāṃ sādayati svāhā tvā nakṣatrebhya iti sāyam // (15) Par.?

yathāsthānam avasthāyāpaśyaṃ gopām iti sarva ṛtvijo yajamānaś cādhīyanto mahāvīram avekṣante // (16) Par.?

tvam agne gṛhapatir ity adhvaryur gārhapatyam upatiṣṭhate // (17) Par.?

antarhite pratiprasthātā tvaṣṭīmatī te sapeyeti patnī vācayati // (18) Par.?

agnīd rauhiṇau puroḍāśāv āsādayeti saṃpreṣyati // (19) Par.?